+7 (701) 759 90 19
USD 386.30 EUR 428.14
RUB 6.08 CNY 54.87
Jańalyqtar

UWW elordada ótken kúresten álem chempıonatyn joǵary baǵalady

2019 jylǵy 24 qyrkúıek 08:17
Bólisińiz:
UWW elordada ótken kúresten álem chempıonatyn joǵary baǵalady

NUR-SULTAN. QazAqparat - Birikken kúres áleminiń (UWW) prezıdenti Nenad Lalovıch Qazaqstanda ótken álem chempıonatynyń deńgeıine joǵary baǵa berip, bul chempıonat tarıhyndaǵy eń úzdigi bolǵanyn aıtty, dep habarlaıdy QazAqparat tilshisi.

Uqsas jańalyqtar
Kúresten ÁCh: Olımpıada joldamasyn 22 eldiń balýandary aldy Kúres túrlerinen ÁCh: Nurǵalı Nurǵaıypuly «qolaǵa» talasady Erkin kúresten taǵy bir balýan Olımpıada joldamasyn jeńip aldy

Kúres túrleri federatsııasynyń baspasóz qyzmeti habarlaǵandaı, búgin álem chempıonatyn qorytyndylaǵan Birikken kúres áleminiń (UWW) prezıdenti Nenad Lalovıch «Qazaqstan kúres túrlerinen álem chempıonatyn óte joǵary deńgeıde ótkizdi. Bul osyǵan deıingi álemdik dodalardyń ishindegi eń úzdigi boldy» - dep atap ótti.

Esterińizge sala keteıik, 2019 jyldyń 14-22 qyrkúıek aralyǵynda Qazaqstannyń astanasy sport álemindegi aýqymdy is-shara, ıaǵnı grek-rım, erkin jáne áıelder kúresinen álem chempıonatyn qabyldady.

Bir aıta keterligi, Nur-Sultandaǵy álem birinshiligi 2020 jylǵy Tokıo Olımpıadasynyń lıtsenzııasy úlestirilgen alǵashqy irikteý týrnıri boldy.

Olımpıada oıyndaryna joldama alý úshin elordadaǵy kópfýnktsıonaldy «Barys Arena» muz saraıynda ótken álem chempıonatyna 104 elden 1003 balýan keldi.

Toǵyz kúnge sozylǵan álem chempıonatyna 51 myńnan astam kórermen jınalyp, álemniń 396 BAQ ókili habar taratty.

Grek-rım kúresinen komandalyq esepte birinshi oryndy Reseı komandasy ıelendi. Ekinshi orynǵa Ózbekstan quramasy turaqtady. Úzdik úshtikti Grýzııa quramasy qorytyndylady. Al Qazaqstan alǵashqy bestikke endi.

Olımpıada baǵdarlamasyna kirmegen 55 kelide álem chempıonatynyń debıýtanty Qorlan Jaqansha Qazaqstanǵa alǵashqy kúmis medaldi syılady. Ol tek fınalda Grýzııadan kelgen Nýgzarı Tsýrtsýmııǵa ese jiberdi.

Al 60 kelige deıingi salmaqta qazaqstandyq balýan Meırambek Aınaǵulov qola medalmen qatar Olımpıada oıyndarynyń joldamasyna qol jetkizdi. Olımpıada baǵdarlamasyna enbegen taǵy bir salmaq 63 kelide komanda kapıtany Almat Kebispaev qola medal enshiledi.

Grek- rım kúresiniń jankúıerleri úshin eń basty sensatsııany qazaqstandyq Ashat Dilmuhamedov jasady. Ol 74 kelige deıin salmaqta eki dúrkin Olımpıada oıyndarynyń chempıony reseılik Roman Vlasov pen álem chempıony serbııalyq Vıktor Nemesti jeńdi. Biraq soǵan qaramastan júldeden tys qaldy. Ashat álem chempıonatyn besinshi oryn men aıaqtady jáne Olımpıada oıyndarynyń lıtsenzııasyna ıelik etti.

Erkin kúreste Reseı quramasyna teń keletin eshkim bolmady. Ekinshi oryndy Qazaqstan ıelendi. Úshtikke AQSh balýandary turaqtady.

Olımpıadalyq salmaq 57 kelide qazaqstandyq Nurıslam Sanaev álem chempıonatynyń qola júldesin taqty. Odan bólek, Sanaev Tokıo-2020 Olımpıadasynyń lıtsenzııasyn da enshiledi.

65 kelige deıin salmaqta beldesken Dáýlet Nııazbekov fınalǵadeıin jetti. Biraq sheshýshi synda jeńilip, kúmis medaldy qanaǵat tutty. Sondaı-aq Nııazbekov ta Olımpıada lıtsenzııasyna qol jetkizdi. Ekinshi kúmis medal 70 kelige deıin kúresken Nurqoja Qaıpanov qatıesili. DanııarQaısanov (74 keli) pen Álisher Erǵalı (97 keli) ekeýi Tokıoǵa joldama aldy.

Áıelder arasyndaǵy básekede komandalyq esepte birinshi orynǵa Japonııa quramasy qol jetkizdi. Ekinshi orynda – Reseı bolsa, úshtikti AQSh qyzdary qorytyndylady. Qazaqstan komandalyq esepte altynshy oryndy qanaǵat tutty. Qyzdardan jalǵyz qola Valentına Islamova-Brıkke buıyrdy. Ol sonymen qatar, Qazaqstanǵa 50 kelidegi salmaq boıynsha Olımpıada lıtsenzııasyn syılady. Taǵybir lıtsenzııa 76 kelige deıin salmaqta beldesken Elmıra Syzdyqovanyń enshisinde.

«Biz óte jaqsy jumys istedik jáne chempıonatqa qatysýshylardyń bergen joǵary baǵasy bizdi qýantty. Osyndaı aýqymdy sporttyq sharanyń el astanasynda ótýi Qazaqstandaǵy sporttyń damýyna túrtki bolady dep úmittenemiz», - deıdi uıymdastyrý komıtetiniń tóraǵasy Erlan Qojasbaı.

Kelesi álem chempıonaty 2021 jyly Norvegııa astanasy Oslo qalasynda ótedi.

Foto: olympic.kz


Bizdiń kanalymyzǵa jazylyńyz:

Basty sózder: Sport,
Bólisińiz:

Avtor:

Kúnsultan Otarbaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT