+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Úsh jylda mektep kitaphanalarynyń materıaldyq-tehnıkalyq bazasy jańartylady

2020 jylǵy 27 qazan 13:40
Bólisińiz:
Úsh jylda mektep kitaphanalarynyń materıaldyq-tehnıkalyq bazasy jańartylady

NUR-SULTAN. QazAqparat – Úsh jyldyń ishinde mektep kitaphanalarynyń materıaldyq-tehnıkalyq bazasy jańartylady. Bul týraly QR BǴM «Oqýlyq» Respýblıkalyq ǵylymı-praktıkalyq ortalyǵynyń dırektory Ǵanı Beısenbaev málim etti, dep habarlaıdy QazAqparat tilshisi.

Uqsas jańalyqtar
Báıdibek aýdanyndaǵy aýyl mektebine 2 «BILIMBook» taqtasy men 50 kompıýter tabystaldy Mınskte ál-Farabı atyndaǵy qazaq synyby ashyldy Aqmolalyq oqýshy men onyń baýyry álemniń úzdik balalarynyń tizimine endi

«Jol kartasynyń negizindegi nátıjeler 2021-2025 oqý jyldaryna arnalyp otyr. Bes jyldyń ishinde mektep kitaphanalary túgeldeı kórkem ádebıettermen qamtylmaq. Ekinshiden, mektep kitaphanashylarynyń áleýetin kóterý máselesi qolǵa alynyp, 2025 jylǵa qaraı tıisti nátıje bolady. Óıtkeni olardyń biliktiligin kóterýmen qatar, joǵary oqý oryndarynda pedagog-kitaphanashy degen mamandyqty engizgen kezde, 2025 jyly túlekterdiń pedagog-kitaphanashy mamandyǵyn ıelenip keletindigi josparlanǵan», - dedi Ǵanı Beısenbaev Bilim mınıstrliginiń apparat jınalysynda.

Onyń aıtýynsha, úsh jyldyń ishinde mektep kitaphanalarynyń materıaldyq-tehnıkalyq bazasyn kóterý aıaqtalady dep josparlanǵan. Búkil zańnamalyq aktiler eki jyl ishinde jańartylyp, ózgerister engiziledi.

Aıta keteıik, apparat jınalysynda mektep kitaphanasyna qajetti kórkem ádebıetterdiń tizimi qurylyp jatqany baıandaldy.

Sonymen qatar, mektep kitaphanashysyn pedagog-kitaphanashy degen ataýmen ózgertý usynylyp otyr.

Budan buryn habarlanǵandaı, jaqynda Ulttyq qoǵamdyq senim keńesiniń 4-otyrysynda Memleket basshysy Qasym-Jomart Toqaev dástúrli kitaphananyń aǵartýshylyq róli eshqashan mánin joǵaltpaıtynyn aıtqan edi.

«Taǵy bir mańyzdy mindet - mektep kitaphanalarynyń kitap qoryn jańalaý jáne tolyqtyrý. Qazir bul kitaphanalardyń qory eskirgen ári jutań. Ásirese, kórkem týyndylar men tartymdy ádebıetter tapshy. Qazaq tilindegi tıisti ádebıetter óte az nemese múldem joq», - dedi Memleket basshysy.

Qazaqstan Prezıdentiniń atap ótýinshe, oqýshylardyń álem ádebıeti klassıkteriniń shyǵarmalaryna qoly jete bermeıdi.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT