+7 (701) 759 90 19
USD 387.14 EUR 428.18
RUB 6.06 CNY 55.23
Jańalyqtar

Úsh jylda elimiz medıtsınalyq kadrlarmen 100 paıyz qamtylady - Berdibek Saparbaev

2019 jylǵy 8 qarasha 20:15
Bólisińiz:
Úsh jylda elimiz medıtsınalyq kadrlarmen 100 paıyz qamtylady - Berdibek Saparbaev

PAVLODAR. QazAqparat - QR Premer-Mınıstriniń orynbasary Berdibek Saparbaev Pavlodar oblysynyń jurtshylyǵymen kezdesip, qoıylǵan saýaldarǵa jaýap berdi, dep habarlaıdy pavlodarnews.kz.

Uqsas jańalyqtar
Aqtóbelik ólketanýshy vıtse-premerden Kókjıde sý qoryn qorǵaýdy surady Berdibek Saparbaev Shıeli jáne Jańaqorǵan aýdandarynda boldy Ustaz ben dárigerdiń jalaqysy eldegi ortasha aılyqtan joǵary bolýy tıis - Berdibek Saparbaev

Eske sala keteıik, QR Premer-Mınıstriniń orynbasary Berdibek Saparbaev bastaǵan Úkimettiń jumys tobymen kezdesýge Pavlodar oblysynyń bilim, mádenıet, sport, densaýlyq salalarynyń, bıznes, kásipodaq, azamattyq qaýymdastyq, dinı konfessııalardyń ókilderi qatysty. Kezdesý barysynda «Ana úıi» qoǵamdyq qorynyń Pavlodar oblysy boıynsha úılestirýshisi Ásel Ábisheva «Ana úıinde» turatyn qos jetim qyzǵa baspana berý máselesi qalaı sheshiletini týraly suraq qoıdy.

- Bizdiń «Ana úıimiz» ashylǵaly beri balalar úıiniń 18 túlegi turǵan bolatyn. Qazirgi kúnde qaıtadan qaıtyp kelgen 2 qyz turady. Olardyń týystyq qatynasy buzylǵan, jetim qyzdar. Olarǵa bizden bólek ómir súrý qıyn. Endi baspana berý máselesin qalaı jedeldetýge, qalaı sheshýge bolady?, - dep surady Ásel Ábisheva.


QR Premer-Mınıstriniń orynbasary máseleni sheshýdiń eki jolyn atap ótti.

- Jalpy, qazaqstandyqtardy baspanamen qamtamasyz etý zań aıasynda júzege asady, - dedi Berdibek Saparbaev. – Bizde kezekke turý zańy bar. Memleket birinshi kezekte baspana berýi tıis azamattar sanaty qurylǵan. Aldymen Uly Otan Soǵysynyń ardagerleri alýy kerek. Qazir ardagerlerdiń bárinde baspana bar. Bıyldan bastap kópbalaly analardy qostyq. Olarǵa jeke kezek júredi. Sol sekildi, jetim balalardy baspanamen qamtamasyz etý týraly jeke baǵdarlama bar. Sonymen qatar, bul baǵytta «Meıirim» baǵdarlamasy júzege asady. Onyń aıasynda jetim balalar bıznesmenderge, kásiporyn basshylaryna, kompanııalarǵa bekitiledi. Óz tájirıbemmen bólissem, Shyǵys Qazaqstan men Aqtóbede bala, qamqorshy, turǵyn úı qurylys jınaq banki arasynda úshjaqty kelisim jasaldy. Bala oqyp, jumys istegenshe bekitilgen adam aı saıyn beligili bir mólsherde bankke balanyń esebine qarjy salady. Qajetti soma jınalǵanda bank baspana beredi. Osyndaı joldaryn júzege asyrýǵa bolady. Búginde jetim balalardy baspanamen qamtý máselesi sheshilýde.


Sondaı-aq Lenın kentinde ornalasqan múmkindigi shekteýli balalarmen jumys jasaıtyn «Qamqor» qoǵamdyq birlestiginiń dırektory Saltanat Sársenbaeva aýyldyq jerlerde medıtsınalyq kadr jetispeıtinin aıtty.

- Aýyldyq jerlerde medıtsınalyq kadrlar jetispeıtini ras. Búginde elimizde bundaı kadr qajettiligi 5 myńǵa jýyqtaıdy. Bizdiń 8 medıtsınalyq ýnıversıtetimiz jyl saıyn ortasha eseppen 3,5 myń túlek shyǵarady. Ótken jyldan bastap jańa zań shyqty. Oǵan sáıkes, túlekterge 3 jyl medıtsınalyq uıymdarda jumys jasaý mindetteldi. ıAǵnı, 3 jylda biz respýblıkany 100 paıyz medıtsınalyq kadrmen qamtýymyz kerek. Basqa másele – kadrdy ustap qalý. Olarǵa jaǵdaı jasaýymyz kerek. Ekibastuzdaǵy sııaqty kelgende turatyn jeri, durys jumysy bolýy kerek. Durys jaǵdaı jasalmasa ketip qalady. Sondyqtan medıtsınalyq kadrlarmen másele bolmaıdy. Bizdiń oqý oryndarymyz qajetti kadrlar daıyndaıdy, - dedi Berdibek Saparbaev.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT