Úsh mınıstrlikte «tsıfrlyq orynbasar» taǵaıyndalady

NUR-SULTAN. QazAqparat – Indýstrııa jáne ınfraqurylymdyq damý, Energetıka jáne Іshki ister mınıstrlikterine 3 «tsıfrlyq» vıtse-mınıstrdi taǵaıyndaý josparlanyp otyr, dep habarlaıdy QazAqparat tilshisi.
«Zamanǵa saı tehnologııalardy tıimdi túrde engizý maqsatynda 2018 jyly Elbasynyń kelisimimen 5 mınıstrlikte tsıfrlyq vıtse-mınıstrler taǵaıyndalǵan edi. Olar: densaýlyq saqtaý, bilim jáne ǵylym, eńbek jáne halyqty áleýmettik qorǵaý, tsıfrlyq damý, ınnovatsııalar jáne aeroǵarysh ónerkásibi mınıstrlikteri men salyq-kedendik qyzmet organy. Sondaı-aq ortalyq jáne jergilikti memlekettik organdarda tsıfrlandyrý keńseleri quryldy», - dedi QR Tsıfrlyq damý, ınnovatsııalar jáne aeroǵarysh ónerkásibi mınıstri Asqar Jumaǵalıev Úkimet otyrysynda.
Mınıstrdiń aıtýynsha, atalǵan sharalar bıýdjet túsimin arttyryp, shyǵystardy qysqartý turǵysynda 2018 jyly 218 mlrd teńge, 2019 jylǵy 9 aı ishinde 305 mlrd teńge qosymsha tabys ákelgen.
«Prezıdenttiń tapsyrmasyna sáıkes qosymsha Indýstrııa jáne ınfraqurylymdyq damý, Energetıka jáne Іshki ister mınıstrlikterine 3 «tsıfrlyq» vıtse-mınıstrdi taǵaıyndaý josparlanýda», - dedi ol.
Eske sala ketsek, búgingi Úkimet otyrysynda Asqar Mamın mobıldik qurylǵy arqyly qoljetimdi memqyzmetter tizbesin keńeıtýdi tapsyrǵan bolatyn.
- Qazaqstanda áskerge shaqyrylǵandardy SMS habarlama arqyly habardar etedi
- Qazaqstanda júrgizýshi kýáligin kórsetý mindetti bolmaıdy - Senat
- HQO-lar azamattardy tek aldyn ala jasalǵan bron negizinde qabyldaıdy
- Erekshe qajettiligi bar adamdar úshin eGov portalynda 6 jańa qyzmet iske qosyldy
-
Depýtat zeınetaqy tólemderin paıdalaný erejesin tezdetip qabyldaýdy surady
-
Qostanaı arhıvine Tatarstannan qundy qujattar ákelindi
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam