Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 386.34 EUR 427.25
RUB 5.88 CNY 54.57
Jańalyqtar

Úsh qabatty kottedj ben avtokóligi bar azamattarǵa da AÁK tólenip ketken – Berdibek Saparbaev

2019 jylǵy 13 shilde 13:42 271
Bólisińiz:
Úsh qabatty kottedj ben avtokóligi bar azamattarǵa da AÁK tólenip ketken – Berdibek Saparbaev

NUR-SULTAN. QazAqparat - Shymkentke jumys sapary aıasynda QR Eńbek jáne halyqty áleýmettik qorǵaý mınıstri Berdibek Saparbaev ataýly áleýmettik kómek, jańa jumys oryndaryn qurý, halyqty jumyspen qamtý jáne basqa da áleýmettik-eńbek salasynyń máseleleri boıynsha keńes ótkizdi.

Uqsas jańalyqtar
Almatydaǵy 600 ǵımarat áleýmettik beıimdeý aıasynda qaıta jabdyqtaldy Batyr analarǵa memlekettik járdemaqy taǵaıyndaý proaktıvti formatqa kóshiriledi Prezıdent Jarlyǵy: 1,1 mln qazaqstandyqtyń nesıesiniń 33,6 mlrd teńge ósimaqysy keshirildi

Bul týraly QazAqparat mınıstrliktiń baspasóz qyzmetine silteme jasap habarlaıdy.

Eńbek mınıstrligi basshysynyń málimetinshe, búginde Qazaqstanda ataýly áleýmettik kómek alatyn 291 myń otbasy nemese 1 mıllıon 450 myń adamǵa 87 mlrd. teńge tólendi. Bul rette AÁK alýshylardyń 38% Shymkent qalasy men Túrkistan oblysynyń turǵyndary.

Berdibek Saparbaev AÁK-tiń negizgi maqsaty – qıyn jaǵdaıǵa tap bolǵan otbasylarǵa kómek kórsetý, sonyń ishinde jumyspen qamtýdyń belsendi sharalaryn kórsetý arqyly járdemdesý ekenine erekshe nazar aýdardy. Osyǵan baılanysty ol jergilikti jerlerde aqparattyq-túsindirý jumystaryn kúsheıtý qajettigin atap ótti.

Mınıstrdiń málimetinshe, respýblıka boıynsha eńbekke qabiletti 85 myń AÁK alýshynyń tek 32,5 myńy nemese 38 paıyzy ǵana áleýmettik kelisimsharttar jasasqan. Túrkistan oblysynda bul kórsetkish 29 paıyzdy, Shymkent qalasynda 9 paıyzdy quraıdy.

«Keıbir jumysqa qabiletti azamattar AÁK-ti alǵysy keledi, biraq jumys isteýden bas tartady. Eńbekke qabiletti áleýmettik kómek alýshylarmen mindetti túrde olar jumysqa ornalasa alatyn, jańa mamandyqtar men bıznes júrgizý negizderin oqıtyn, granttar men jeńildetilgen mıkrokredıt alatyn áleýmettik kelisimsharttar jasaý kerek. Masyldyqqa jaǵdaı jasaýǵa bolmaıdy, sondyqtan tıisti ózgerister erejege engiziletin bolady»,- dedi Saparbaev.

Sondaı-aq, vedomstvo basshysy ataýly áleýmettik kómek taǵaıyndaý jáne tóleý kezinde zańbuzýshylyqtarǵa jol berilmeýin talap etti.

«Bizdiń mamandarymyz «E-Halyq IP»-de tirkelmegen tólemder, artyq tólemder, eki eselengen tólemder, ýchaskelik komıssııanyń tekserýinsiz AÁK taǵaıyndaý sııaqty birqatar zańbuzýshylyqtardy anyqtady. Mysaly, menshiginde úsh qabatty kottedj ben avtokóligi bar azamattarǵa AÁK tólenip ketken jaǵdaılar da oryn alǵan. Bul bıýdjet qarajatyn zańsyz paıdalaný jáne oǵan jaýapkershilik kózdelgen. Ákimdikterge jergilikti jerlerde baqylaýdy kúsheıtý kerek», - dep atap ótti mınıstr.

Osyǵan baılanysty Mınıstrlik tarapynan ákimdiktermen jáne quqyq qorǵaý organdarymen birlesip anyqtalǵan zańbuzýshylyqtardy joıýǵa, zańsyz tólengen qarajatty bıýdjetke qaıtarýǵa, sondaı-aq bolashaqta mundaı zańbuzýshylyqtarǵa jol bermeýge baǵyttalǵan jumystar atqarylyp jatyr.

Sonymen qatar, keńeste jańa jumys oryndaryn ashý, jalaqy boıynsha bereshekterdi tóleý, jumyssyz jáne az qamtylǵan azamattardy «Eńbek» memlekettik baǵdarlamasyna tartý máseleleri qaraldy.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT