Urys jaǵdaıyna jaqyndatylǵan – astanada terrorızmge qarsy oqý-jattyǵý ótedi
2022 jylǵy 29 sáýir 06:30

Urys jaǵdaıyna jaqyndatylǵan – astanada terrorızmge qarsy oqý-jattyǵý ótedi

NUR-SULTAN. QazAqparat – Búgin Nur-Sultan qalasynda urys jaǵdaıyna barynsha jaqyndatyla otyryp, lańkestik aktilerge qarsy oqý-jattyǵý ótedi. Bul týraly elordanyń Terrorızmge qarsy shuǵyl shtabynan málim etti, dep habarlaıdy QazAqparat.

Taratylǵan aqparatqa sáıkes, oqý-jattyǵý 29 sáýir kúni saǵat 08.00-14.00 aralyǵynda «Qazaqstan temir joly» UK» AQ-nyń Tehnıkalyq jolaýshylar parkiniń aýmaǵynda (Shý kóshesiniń aıaqtalǵan tusy, Ál-Farabı – Qoshqarbaev kósheleriniń qıylysy) ótedi.

Іs-shara maqsaty shuǵyl shtabtyń kúshteri men quraldarynyń terrorıstik áreketterge dereý jaýap qaıtarý boıynsha daıyndyǵyn tekserý.

«Oqý-jattyǵý túrli kúrdeli elementterdi qamtı otyryp, urys jaǵdaıyna barynsha jaqyndatylǵan. Tehnıkalyq jolaýshylar parkiniń mańaıynda shekteý sharalary qarastyrylǵan.

Osyǵan baılanysty azamattardan ótkizilip jatqan is-sharalarǵa túsinistikpen qaraýǵa, qaýipsizdik sharalaryn saqtaýǵa jáne jumyldyrylǵan memlekettik organdar qyzmetkerleriniń zańdy talaptaryn oryndaýǵa shaqyramyz», - delingen Terrorızmge qarsy shuǵyl shtab habarlamasynda.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT