+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Ýrýgvaı Syrtqy ister mınıstri Qazaqstanǵa alǵash ret saparmen keldi

2019 jylǵy 18 qazan 09:41
Bólisińiz:
Ýrýgvaı Syrtqy ister mınıstri Qazaqstanǵa alǵash ret saparmen keldi

NUR-SULTAN. QazAqparat - Qazaqstannyń Syrtqy ister mınıstri Muhtar Tileýberdi Ýrýgvaıdyń Syrtqy ister mınıstri Rodolfo Nın Novoamen kezdesti, dep habarlaıdy QazAqparat.

QR SІM baspasóz qyzmetiniń málimetinshe, latynamerıkalyq eldiń syrtqy saıası vedomstvosy basshysynyń Qazaqstanǵa alǵash ret saparmen kelip otyr.

17 qazanda ótken kelissózder aıasynda mınıstrler Qazaqstan men Ýrýgvaı arasyndaǵy qarym-qatynastardyń damýyndaǵy oń serpindi atap ótip, ekijaqty kún tártiptiń ózekti máselelerin talqylady, saıası dıalogty nyǵaıtýdyń qajettiligin rastady, sondaı-aq halyqaralyq jáne óńirlik máseleler boıynsha pikir almasty.

Taraptar Eýrazııalyq ekonomıkalyq odaq pen MERKOSÝR arasynda, sondaı-aq «Bir beldeý – bir jol» bastamasy sheńberinde yntymaqtastyqty nyǵaıtý perspektıvalaryn basa aıtyp, saýda-ekonomıkalyq jáne ınvestıtsııalyq baǵyttarda yqpaldastyqty damytý mańyzdylyǵyna nazar aýdardy.

Mınıstr Muhtar Tileýberdi shetel bıznes ókilderine jasalyp jatqan qolaıly jaǵdaılarǵa nazar aýdaryp, ýrýgvaılyq tarapty aýyl sharýashylyǵy salasynda birlesken jobalardy iske asyrýǵa jáne densaýlyq saqtaý men týrızm salalarynda tájirıbe almasýǵa shaqyrdy. Elder arasyndaǵy baılanystardy kúsheıtip, mádenıetterimizdi jaqyndatý maqsatynda taraptar vızalyq rejimdi yryqtandyrý boıynsha tıisti kelisimderdi jasasýǵa qolǵabys kórsetýge ýaǵdalasty.

Sonymen qatar, mınıstrler kópjaqty formatta da dıalogty nyǵaıtýǵa múddeli ekendikterin jetkizdi. ıAdrolyq qarýdy taratpaý jáne halyqaralyq terrorızmge qarsy kúreske erekshe nazar aýdara otyryp, taraptar BUU sheńberinde jahandyq qaýipsizdiktiń ózekti máseleleri boıynsha syndarly ózara yqpaldastyqty jalǵastyrýdyń mańyzdylyǵyn atap ótti.

Óz kezeginde, R. Nın Novoa Montovıdeonyń Nur-Sultanmen syndarly jáne ózara tıimdi qarym-qatynasty odan ári nyǵaıtýǵa nıetti ekendigin rastap, Qazaqstannyń SІM basshysyn Ýrýgvaıǵa sapar jasaýǵa shaqyrdy.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT