Ýnıversıtet túlekteri áskerı qyzmetten ótse, grantty óteýden bosatylady
2022 jylǵy 20 mamyr 12:18

Ýnıversıtet túlekteri áskerı qyzmetten ótse, grantty óteýden bosatylady

NUR-SULTAN. QazAqparat – Áskerı boryshyn ótegen jáne «Kadet» synybyn bitirgen túlekter ýnıversıtetke grant alý úshin 5% kvota bólinedi. Bul týraly QR Bilim jáne ǵylym mınıstri Ashat Aımaǵambetov málim etti, dep habarlaıdy QazAqparat.

«Keshe Qorǵanys mınıstrimen birge mektepterde áskerı-patrıottyq tárbıe berý, elimizdiń áskerı joǵary oqý oryndarynda kadrlardy daıarlaý jáne áskerı qyzmettiń tartymdylyǵyn arttyrý máselelerin talqyladyq. Memleket basshysy áskerı-patrıottyq tárbıe berý jumysyn arttyrýdy tapsyrǵan bolatyn. Osy oraıda bul is-sharalar Prezıdenttiń tapsyrmasyn júzege asyrýǵa baǵyttalyp otyr. Elimizdiń áskerı qaýipsizdigin qamtamasyz etý, otansúıgishtikke tárbıeleý, jastardy alǵashqy áskerı daıarlyqtan ótkizý jáne ofıtserler daıarlaý – ortaq mindet. Al osy baǵytta bizdiń mınıstrlik óte mańyzdy ról atqarady. Osyǵan baılanysty birqatar usynystardy qolǵa aldyq», - dep jazdy Bilim mınıstri óziniń Facebook-tegi paraqshasynda.

Mınıstrdiń aıtýynsha, merzimdi áskerı qyzmetti ótkerýdiń tartymdylyǵyn arttyrý úshin áskerı boryshyn ótegen jáne «Kadet» synybyn bitirgen túlekterge grant alý úshin 5% kvota bólý usynyldy. Bul jyl saıyn 3 000-nan astam grant.

«Onyń ústine ýnıversıtet túlekteri áskerı qyzmetten ótken jaǵdaıda grantty 3 jyl boıy óteý merziminen bosatylady. Qazir memleket esebinen oqyǵandardyń barlyǵyna ony óteý talaby qoıylatynyn eske sala keteıin. Bul oqýǵa túsýshilerdi yntalandyryp, áskerı qyzmetke degen qyzyǵýshylyqty arttyrady dep oılaımyn. Úshinshiden, biz áskerı qyzmette nemese bitimgershilik jáne basqa da arnaıy operatsııalarǵa qatysyp, qaza tapqan áskerı qyzmetshilerdiń balalaryna ýnıversıtetterde oqýǵa granttar berý týraly normany engizýdi usynyp otyrmyz», - dedi A. Aımaǵambetov.


Uqsas jańalyqtar

Jańalyqtar

MURAǴAT