+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Úndistandaǵy «QazInd - 2019» birlesken oqý-jattyǵýy aıaqtaldy

2019 jylǵy 22 qazan 04:10
Bólisińiz:
Úndistandaǵy «QazInd - 2019» birlesken oqý-jattyǵýy aıaqtaldy

NUR-SULTAN. QazAqparat –Eki apta boıy Qazaqstannyń Qurlyq áskerleriniń «Ońtústik» óńirlik qolbasshylyǵynyń áskerı qyzmetshileri Úndistannyń Qarýly Kúshterindegi áriptesterimen birlesip terrorǵa qarsy operatsııalardy júrgizýdiń jańa ádisterin zerdelep, pysyqtady, dep habarlaıdy QazAqparat tilshisi «Ońtústik» óńirlik qolbasshylyǵy baspasóz qyzmetine silteme jasap.

Uqsas jańalyqtar
QR Qarýly Kúshterde taktıkalyq-saptyq sabaqtar ótýde Qazaqstandyq sarbaz Máskeýde WTKF týrnırinde jeńimpaz atandy Qazaqstan áskerinde jańa oqý jyly bastaldy

Oqý-jattyǵýǵa qatysýshylar kedergiler jolaǵynan ótý, atys qarýynan atý, jasandy jáne tabıǵı releftermen taýǵa órmeleý, tikushaqtan fal arqyly túsip, zańsyz áskerı quralymdardy oqshaýlaý jáne joıý boıynsha praktıkalyq sabaqtarǵa qatysty. Sabaq kúndizgi jáne túngi jaǵdaılarda túngi kórý quraldaryn qoldaný arqyly júrgizildi.

«Qazaqstan men Úndistan qarýly kúshteri bólimsheleriniń praktıkalyq is-qımyldarynyń qorytyndy kezeńinde eldi mekende zańsyz áskerı qurylymdardy anyqtaý jáne joıý, patrýldi uıymdastyrý, jaýdyń shabýylyn kórsetý, qoldan jasalǵan jarylǵysh qurylǵylardy tabý jáne zalalsyzdandyrý jónindegi arnaıy operatsııa júrgizý máseleleri saralandy»,- delingen baspasóz qyzmetiniń málimdemesinde.

«Arnaıy áskerı is-qımyldardy ótkizý úshin quramyna qazaqstandyq jáne úndi áskerı qyzmetshileriniń teń sany kirgen eki jıyntyq taktıkalyq top quryldy. «Alfa« rotasyn men, al ekinshi rotany Úndi armııasynyń ofıtseri maıor Býhp basqardy. Rotalyq taktıkalyq toptardyń birlesken is-qımyldarynyń úılesimdiligi áskerı qyzmetshilerdiń aldyna qoıylǵan barlyq mindetterdi tolyq kólemde, dál jáne merziminde oryndaýǵa múmkindik berdi. Oqý-jattyǵýdyń eki aptasy ishinde biz úndilik áriptesterimizben ortaq til tabystyq. Barlyq komandalar naqty oryndaldy. Biz bir – birimizdi jeńil túsindik»,- deıdi «Ońtústik» óńirlik qolbasshylyǵynyń 42062 áskerı bólimi shtabynyń bastyǵy kapıtan Qaıyrjan Tekebaev.

Oqý-jattyǵý barysynda polıgonda praktıkalyq sabaqtar ǵana emes, sonymen qatar basketbol, fýtbol, voleıbol boıynsha joldastyq sporttyq oıyndar, mańaıdaǵy kórikti oryndarǵa birlesken ekskýrsııalar ótkizildi. Sporttyq jáne mádenı sharalar dostyq qarym-qatynasty nyǵaıtýǵa yqpal etti.

Qazaqstan Qurlyq áskerleri Bas qolbasshysynyń jaýyngerlik daıarlyq jónindegi orynbasary general-maıor Dáýren Ospanov bul shara eki eldiń áskerı qyzmetshilerine ózara tájirıbe almasyp, qarym- qatynas ornatyp, oı-órisin keńeıtýge mol múmkindik bergenin jetkizdi. Sondaı-aq, terrorızmge qarsy kúrestiń jańa ádisterin zerdeleýge jol ashty.

Oqý-jattyǵýdy aıaqtaı otyryp, eki eldiń áskerı kontıngentteri basshylyǵynyń ókilderi «Qazınd» birlesken oqý-jattyǵýy kelesi jyly da ótkiziletinine jáne jyl saıynǵy birlesken is-shara bolatynyna senim bildirdi.

Aıta keteıik, mundaı alǵashqy oqý-jattyǵý ótken jyly Qazaqstanda Mátibulaq polıgonynda ótken bolatyn.

Bizdiń kanalymyzǵa jazylyńyz:

Bólisińiz:

Avtor:

Ǵıbrat Sembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT