2022 jylǵy 4 shilde 14:50
Úndistanda jolaýshylar avtobýsy shatqalǵa qulap, 16 adam qaza tapty
NUR-SULTAN. QazAqparat - Úndistannyń soltústiginde jolaýshylar avtobýsy tereń shatqalǵa qulap, 16 adam qaza tapty, dep habarlaıdy QazAqparat ABC News-ke silteme jasap.
Oqıǵa Úndistannyń Hımachal-Pradesh shtatyndaǵy Kýllý okrýginde boldy. Aýyr zardap shekkenderge kómek kórsetilip, olar aýrýhanaǵa jetkizildi. Jergilikti bıliktiń málimetinshe, avtobýsta 20-ǵa jýyq jolaýshy bolǵan. Jol apatynyń naqty sebebi belgisiz.
Jalpy Úndistanda kólikti abaısyz júrgizý, nashar joldar jáne eskirgen kólikterdiń saldarynan adam ólimimen aıaqtalatyn jol-kólik oqıǵalary jıi bolady. Polıtsııanyń málimetinshe, jyl saıyn Úndistanda jol-kólik oqıǵalarynan 110 myńnan astam adam kóz jumady.
Foto: abcnews.go.com
Sondaı-aq... oqyńyz
Seriktester jańalyqtary
TOP
