Úndistanda sý tasqyny saldarynan mıllıondaǵan úı  qırady
2022 jylǵy 21 maýsym 17:21

Úndistanda sý tasqyny saldarynan mıllıondaǵan úı  qırady

NЬıÝ-DELI. QazAqparat - Úndistannyń Assama shtatynda sý tasqyny saldarynan kem degende 45 adam qaza taýyp, 4,7 mıllıonnan astam adam úılerin tastap ketýge májbúr boldy, dep habarlaıdy QazAqparat BBC News-ke silteme jasap.

Buryn-sońdy bolmaǵan nóser saldarynan shtattyń 35 okrýginiń 32-sinde aýyldardy, egistikterdi sý basyp, úıler qırady.

Assamda úkimet evakýatsııalanǵan adamdar úshin 1425 kómek lagerin ashty.

Assama shtaty bıylǵy jyly mundaı jaǵdaıǵa ekinshi ret tap bolyp otyr. Mamyr aıyndaǵy oqıǵa kezinde kem degende 39 adam qaıtys boldy.

Sınoptıkterdiń málimetinshe, maýsym aıynda shtatta jaýyn-shashyn ortasha deńgeıden 109% - ǵa joǵary bolǵan. Úndistandaǵy eń úlken ózenderdiń biri-Brahmapýtradaǵy sý deńgeıi kóptegen jerlerde qaýipti deńgeıden joǵary bolyp tur.

Tolassyz jaýǵan jańbyrdan kórshiles Meghalaıa shtatynda da sońǵy aptada 18 adam qaza tapty.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT