Úndistanda kóshkinnen 14 adam qaza taýyp, 30-dan astamy iz-túzsiz joǵaldy
2022 jylǵy 1 shilde 15:34

Úndistanda kóshkinnen 14 adam qaza taýyp, 30-dan astamy iz-túzsiz joǵaldy

NUR-SULTAN. QazAqparat – Birneshe apta boıy tolassyz jaýǵan jańbyr saldarynan Úndistannyń soltústik-shyǵysynda kóshkin bolyp, kem degende 14 adam qaza tapty jáne 30-dan astamy iz-túzsiz joǵaldy, dep habarlaıdy QazAqparat ABC News-ke silteme jasap.

Tabıǵı apatpen kúres qyzmetkerleri, polıtsııa men jergilikti turǵyndar Manıpýr shtatynyń astanasy Imphalaǵa jaqyn ornalasqan Nonı qalasynda úıindi astynda qalyp qoıǵan zardap shegýshilerge kómek kórsetip jatyr.

Jergilikti bıliktiń málimetinshe, qaza tapqandardyń jeteýi áskerı qyzmetshi bolǵan. Іz-túzsiz joǵalǵandar arasynda Úndistannyń bes temirjol qyzmetkeri bar. Tabıǵı apat bolǵan aýdanda temirjol salynyp jatyr. Úndistannyń soltústik-shyǵysynda úsh aptadan beri tolassyz jańbyr jaýyp jatyr.

Keıbir málimetter boıynsha, 17 mamyrdan beri qatty nóser men kóshkin saldarynan Assam, Manıpýr, Trıpýra jáne Sıkkım shtattarynda barlyǵy 200 adam, Bangladeshte 42 adam mert bolǵan.

Júzdegen myń adam evakýatsııalanǵan.


Foto: abcnews.go.com
Seriktester jańalyqtary

Jańalyqtar

Úrdis

MURAǴAT