Úndistanda kólik kópirden qulap, jeti stýdent qaza tapty

NЬıÝ-DELI. QazAqparat – Úndistannyń Maharashtra shtatynda dúısenbiden seısenbige qaraǵan túni kólik kópirden qulap, saldarynan jeti stýdent qaza tapty. NDTV telearnasynyń habarlaýynsha, qaza tapqandar jergilikti medıtsınalyq kolledj stýdentteri bolǵan.

Apat shtattyń shyǵysyndaǵy Selsýra qalashyǵynda boldy. Aldyn ala derekterge qaraǵanda, stýdentterdiń biri rýlge ıe bola almaı qalǵan. Avtokólik bıiktikten ózenge qulaǵan, qaza tapqandardyń denesin shyǵarýǵa úsh saǵattan astam ýaqyt ketti.

Úndistannyń premer-mınıstri Narendra Modı seısenbi kúni jastardyń ólimine baılanysty kóńil aıtty. «Maharashtra shtatyndaǵy Selsýra qalashyǵynda bolǵan apat saldarynan adamdardyń qaza tapqanyna qaıǵyryp, kóńil aıtamyn. Osy saǵatta jaqyndarynan aıyrylǵandarmen birgemin», - dep jazdy premer-mınıstr Twitter-degi paraqshasynda.