+7 (701) 759 90 19
USD 387.14 EUR 428.18
RUB 6.06 CNY 55.23
Jańalyqtar

Úndistanda qazaqstandyq jáne úndilik birlesken oqý-jattyǵýlar bastaldy

2019 jylǵy 4 qazan 13:00
Bólisińiz:
Úndistanda qazaqstandyq jáne úndilik birlesken oqý-jattyǵýlar bastaldy

NUR-SULTAN. QazAqparat – Úndistannyń Pıthoragarh qalasyna jaqyn jerde ornalasqan áskerı polıgonda «Qaz-Ind-2019» qazaqstandyq jáne úndilik birlesken oqý-jattyǵýlar bastaldy, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

Uqsas jańalyqtar
13 qarasha - Radıatsııalyq, hımııalyq jáne bıologııalyq qorǵanys áskerleriniń kúni Qorǵanys mınıstrliginiń ofıtserleri Aıagóz garnızonynyń basshylyǵyna ádistemelik kómek kórsetti Qarýly kúshter áskerı barlaýshylar kúnin atap ótti

Shara qarsańynda Úndistanǵa Qazaqstan Qurlyq áskerleri «Ońtústik» óńirlik qolbasshylyǵynyń áskerı qyzmetshiler jasaǵy keldi.

Eki apta boıy halyqaralyq jıyntyq bólimshe quramynda 60 qazaqstandyq áskerı qyzmetshi úndi áriptesterimen trenıngterge qatysyp, tájirıbe almasyp, taý jaǵdaıynda shartty zańsyz áskerı qurylymdardy oqshaýlaý jáne joıý boıynsha is-qımyldardy teorııada júzinde zerttep, is-júzinde pysyqtaıtyn bolady.



Qazirgi tańda oqý-jattyǵýǵa qatysýshylar, quramynda ár memleketten 60 adam bolatyn qazaqstandyq jáne úndilik áskerı qyzmetshilerdiń jıyntyq bólimshesin qurýǵa kirisip ketti.

Qazaqstannyń Qurlyq áskerleri Bas qolbasshysy basqarmasynyń jaýyngerlik daıyndyqty uıymdastyrý basqarmasy bastyǵy polkovnık Marat Ábdihalyqov úndi eliniń qonaq jaılylyǵyna alǵys aıtyp, sonymen qatar terrorızmge qarsy kúrestiń jańa tásilderin zertteýdegi oqý-jattyǵý eki eldiń áskerı qyzmetshilerine ólsheýsiz paıda ákeletinine senimdilik bildirdi.


Úndi Qarýly Kúshteriniń 111-shi jeke mehanıkalandyrylǵan brıgada komandıri general Mandel, onyń bólimshesindegi jaýyngerler birlesken oqý-jattyǵýlarǵa qatysqanyna, tájirıbe almasatynyna qýanyshty ekenin aıtty.

Oqý-jattyǵý Qazaqstan men Úndistan Qorǵanys mınıstrlikteri arasyndaǵy eki jaqty yntymaqtastyq josparyn júzege asyrý sheńberinde uıymdastyrylyp otyr. Úndi eline oqý-jattyǵý barysyn baqylaýǵa Qazaqstan Qurlyq áskerleri Bas qolbasshysynyń orynbasary general-maıor Dáýlet Ospanov keledi dep josparlanyp otyr.

Bul qazaqstandyq jáne úndi áskerı qyzmetshileriniń birlesken jumysyndaǵy birinshi kezdesý emes ekendigin aıta ketken jón. «Qaz-Ind» alǵashqy oqý-jattyǵýy 2018 jyly Qazaqstandaǵy gvardııalyq garnızonynda ótti. Ol kezderi birlesken tájirıbelik is-qımyldar barysynda zańsyz áskerı qurylymdarmen kúres jónindegi áskerı is-áreketterdiń biryńǵaı algorıtmi pysyqtaldy. Birlesken jumysta eki eldiń áskerı qyzmetshileri jaqsy tájirıbe jınady.


Ótken jylǵy «Qaz-Ind-2018» oqý-jattyǵýyna Qazaqstannyń atynan, qazirgi kezde Úndistandaǵy birlesken jumysqa qatysyp jatqan «Ońtústik» óńirlik qolbasshylyǵynyń áskerı bólimderi tartyldy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT