+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Úndistan elektrondy temekiniń óndirisine tyıym saldy

2019 jylǵy 19 qyrkúıek 11:23
Bólisińiz:
Úndistan elektrondy temekiniń óndirisine tyıym saldy

DELI. QazAqparat – Úndistan mınıstrler kabıneti elektrondy temekiniń óndirisine, satylymy men ımportyna tyıym salyp, onyń densaýlyqqa qaýipti ekenin málimdedi, dep habarlaıdy QazAqparat BBC-ge silteme jasap.

Qarjy mınıstri Nırmala Sıtharaman Úkimet jastarǵa keri áser tıgizip jatqan veıpıng ónimderine (elektrondy temeki tartý) tyıym salýdy bekitkenin habarlady.

Aıta ketken jón, Úndistanda temeki tartatyn eresekter sany 100 mln adamnan asady. Bul elektrondy temeki shyǵaratyn kompanııalar úshin áleýetti naryq sanalady.

Nıkotınnen, sýdan, eritindiler men hosh ıistendirgishterden turatyn veıpıng – temekiniń balama túri. Ol shylym shegýden arylýǵa kómektesýi múmkin. Biraq onyń densaýlyqqa áseri áli de tolyq zerttelmegen.

Osy zańdy buzýshylar úsh jylǵa deıin bas bostandyǵynan aıyrylýy yqtımal. Aıta keteıik, dástúrli temeki ónimderine tyıym salynǵan joq.

«Elektrondy temekini óndirý, jasap shyǵarý, ony satý, ımporttaý jáne eksporttaý, onymen baılanysty jarnamalar taratýǵa tyıym salyndy», - dedi Sıtharaman baspasóz máslıhatynda.

Onyń aıtýynsha, AQSh pen Úndistanda júrgizilgen zertteý boıynsha keıbir jastar veıpıngti «zamanaýı stıldiń bir bóligi» dep sanaıdy.

Úndistan temeki ónimderin tutyný jaǵynan álemde Qytaıdan keıin ekinshi orynda tur. Osylaısha, bul elde jyl saıyn 900 myńnan astam adam temeki saldarynan bolatyn aýrýlarǵa shaldyǵyp, kóz jumýda.

Alaıda, Úndistannyń densaýlyq saqtaý mınıstrligi qoǵam, eń aldymen, veıpıngtiń jastar arasynda «epıdemııaǵa aınalýyna» jol bermeýine kóńil aýdarýy kerek ekenin alǵa tartady.

Aıta keteıik, 2018 jyly AQSh, Ulybrıtanııa jáne Frantsııadaǵy veıperler tútini joq temeki men veıp-ónimderge 10 mıllıard AQSh dollaryn jumsaǵan.


Bizdiń kanalymyzǵa jazylyńyz:

Basty sózder: Álem,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT