+7 (701) 759 90 19 Lenta
USD 386.77 EUR 427.26
RUB 6.00 CNY 54.56
Jańalyqtar

Ulytaýǵa qazaq tarıhynyń sımvoly bolatyn eskertkish-ansambl qajet – QR Prezıdenti

2019 jylǵy 24 tamyz 17:05
Bólisińiz:
Ulytaýǵa qazaq tarıhynyń sımvoly bolatyn eskertkish-ansambl qajet – QR Prezıdenti

NUR-SULTAN. QazAqparat – Memleket basshysy «Ulytaý 2019» halyqaralyq týrıstik forýmynyń jumysyna qatysty, dep habarlaıdy Aqordanyń baspasóz qyzmeti.

Uqsas jańalyqtar
Qasym-Jomart Toqaev almatylyqtardy Qala kúnimen quttyqtady Qazaqstan Prezıdentiniń aptalyq jumysyna vıdeosholý QR Prezıdenti: Mashına jasaý – Qazaqstannyń óndiristik damýynyń jarqyn mysaly

Qasym-Jomart Toqaev forýmda sóılegen sózinde qazaq halqy úshin Ulytaýdyń tarıhı máni men kıeliligin, sondaı-aq, bul qasıetti mekenniń etnografııalyq, zııarattyq jáne ekologııalyq týrızmdi damytý úshin zor áleýeti bar ekenin atap ótti.

– Tarıhy tereń Ulytaýdyń qadir-qasıetin baǵalaı bilý – barshamyzǵa ortaq paryz. Elimizdiń osyndaı baǵa jetpes baı murasyn ózge jurtqa tanytýdyń jańasha joldaryn oılastyrýymyz kerek. Mysaly, Monǵolııa Shyńǵys han tulǵasyn halyqaralyq týrızmdi damytý úshin óte tıimdi paıdalanyp otyr. Al, Shyńǵys hannyń úlken uly – Joshynyń mazary qazaq jerinde turǵanyn búginde elimizdegi jáne sheteldegi jurtshylyqtyń kóbi bile bermeıdi. Onyń tarıhı tulǵasyna álemniń nazaryn aýdaryp, kesenesin mádenı týr nysanyna aınaldyrý – óte mańyzdy mindet. Ulytaý – halyqaralyq deńgeıdegi etnografııalyq týrızmniń ortalyǵy bolýy tıis, – dep atap ótti Memleket basshysy.

Osyǵan baılanysty Qasym-Jomart Toqaev sheteldik jáne otandyq týrıster úshin Qazaqstanda tartymdy jerlerdi qalyptastyrý, sondaı-aq etnotýrızmdi damytý jóninde óziniń pikirimen bólisti.



– Kóptegen sheteldik týrısterdi bes juldyzdy qonaqúıler, kýrorttar sııaqty ámbebap dúnıeler jalyqtyrdy. Olardy ártúrli halyqtardyń mádenıetin, ádet-ǵurpy men salt-dástúrin zertteý, barǵan eldiń tarıhymen tanysý qyzyqtyrady. Sondyqtan, álemde ózindik ereksheligi bar jerlerge barýǵa, tarıhı festıvaldarǵa jáne kóne ári qaıta qalpyna keltirilgen mańyzdy oqıǵalarǵa qatysýǵa degen suranys artyp otyr. Biz osyndaı úrdisterdi paıdalanýymyz qajet. Qazaqstannyń álemge usynatyn biregeı oryndary bar, – dedi Prezıdent.

Memleket basshysy Qazaqstannyń týrıstik áleýeti men ony damytýdyń mindetteri týraly aıta kelip, kásibı kadrlardy daıarlaýdyń mańyzdylyǵyna toqtaldy.

– Týrızm – óte kúrdeli sala. Tıisti mamandardy daıyndaýymyz kerek. Sondyqtan Týrızm ýnıversıtetin ashý jóninde sheshim qabyldadyq. Dál osy salada jumys isteı alatyn bilikti kadrlardy daıyndaýymyz qajet, – dedi Qasym-Jomart Toqaev.



Prezıdent týrızmdi damytý aıasynda óńirde kólik-logıstıkalyq ınfraqurylymdy qalyptastyrý jáne Qazaqstannyń barlyq rekreatsııalyq aımaǵynda qonaqúılerdiń, tamaqtanatyn jáne demalatyn oryndardyń qurylysyna kásipkerlerdi tartý qajettigine toqtaldy. Sonymen qatar, Memleket basshysy kreatıvti jáne ınnovatsııalyq sheshimderdiń kómegimen Qazaqstannyń týrıstik áleýetiniń aqparattyq qol jetimdiligin qamtamasyz etý qajet ekenin atap ótti.

– Mádenıet jáne sport mınıstrligi, sondaı-aq Tsıfrlyq damý, ınnovatsııalar jáne aeroǵarysh ónerkásibi mınıstrligi týrısterdi Qazaqstan týraly, eń aldymen, Ulytaý jáne onyń basqa da tarıhı oryndary jóninde qajetti aqparatpen qamtamasyz etetin ıntegratsııalanǵan qoldanbaly baǵdarlama nemese platforma ázirleýi qajet, – dedi Qasym-Jomart Toqaev.

Memleket basshysy Ulytaýdyń kıeli nysandary otandyq jáne sheteldik týrısterdi tartatyn oryndarǵa aınalatynyna senim bildirdi.

Ulytaý týrıstik mekenge, demalys aımaǵyna ári uly babalarǵa taǵzym etý ortalyǵyna aınalýy tıis. Bul óńirge qazaq tarıhynyń sımvoly bolatyn eskertkish-ansambl ornatý qajet. Ulytaýdyń tarıhy men taǵylymyn jastar tárbıesi men otanshyldyq rýhty damytýǵa paıdalaný kerek, – dedi Memleket basshysy.

Forým sońynda Qazaqstan Prezıdenti «Jezkiik» halyqaralyq mýzykalyq festıvaldiń kontserttik baǵdarlamasyn kórdi, sondaı-aq, qalpyna keltirilgen ulttyq kıimder toptamasy qoıylǵan jáne atty-shabandozdardyń shoýy kórsetilip jatqan etnoaýylǵa bardy.



Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Mýhamedııarova Janara
Mýhamedııarova Janara
954-059
REDAKTOR
Janıbek Amangeldı
Janıbek Amangeldı
954-059

MURAǴAT