Ulytaýdan jaıaý shyqqan 72 jastaǵy saıahatshy Pavlodarǵa jetti
2022 jylǵy 24 maýsym 15:40

Ulytaýdan jaıaý shyqqan 72 jastaǵy saıahatshy Pavlodarǵa jetti

PAVLODAR. QazAqparat - 72 jastaǵy sheber-restavrator Sársenbaı Qotyrashov Ulytaýdan Pavlodarǵa jaıaý júrip jetti. Qart saıahatshy osymen Qazaqstannyń 9-shy oblysyna jaıaý keldi, dep habarlaıdy QazAqparat Pavlodarnews.kz-ke silteme jasap.

«Bul saparǵa shyǵýymnyń basty úsh maqsaty bar. Birinshiden, týǵan jerim Ulytaýdyń mádenı-tarıhı murasyn nasıhattaımyn. Ekinshiden, qymyzdyń paıdaly qasıetterine jurtshylyqtyń nazaryn aýdarǵym keledi. Onyń ústine ıÝNESKO-men kelisimim bar. Qazaqstandy aralap, myńnan astam qolónershiler týraly málimet jınasam, olar jeke saıtqa enip, sol arqyly dúnıejúzine tanymal bolady», – dedi S.Qotyrashov.

Ulytaýdan kelgen aqsaqal naýryz aıynyń sońynan beri jol júrip keledi. Osy ýaqyt ishinde ol bes jup aıaq kıimdi tozdyryp úlgergen. Biraq ol jaıaý júrginshiler jolyna «bir tıyn» jumsamaǵanyna rıza.

Qaı óńirge kelse de, jurt ony qushaq jaıa qarsy alyp, tamaqtandyryp, tegin túnetip jatyr.

«Qazaqstandyqtar óte qonaqjaı, jyly qarsy alǵandaryńyzǵa rahmet», - dedi saıahatshy.

Sársenbaı Qotyrashovpen birge depýtat Baqtııar Qojahmetov erip júr.

«Saparyn aıaqtaǵan soń Sársenbaı Elbasynyń qabyldaýyna baryp, qymyzdyń emdik qasıetin jeke mysalmen kórsetýdi, sonymen qatar Qymyz kúnin resmı mereke retinde belgileýdi usynbaq», - dedi B.Qojahmetov.


Seriktester jańalyqtary

Jańalyqtar

Úrdis

MURAǴAT