+7 (701) 759 90 19 Lenta
USD 386.77 EUR 427.26
RUB 6.00 CNY 54.56
Jańalyqtar

Ulytaýda Jezkiik etnıkalyq mýzyka festıvali ótti

2019 jylǵy 25 tamyz 10:33
Bólisińiz:
Ulytaýda Jezkiik etnıkalyq mýzyka festıvali ótti

ULYTAÝ. QazAqparat – Ulytaýda Jezkıik ІІ halyqaralyq etnıkalyq mýzyka festıvali ótti. Oǵan memleket basshysy Qasym-Jomart Toqaev qatysty, dep habarlaıdy QazAqparat tilshisi.

Uqsas jańalyqtar
«Qazaqkontsert» jańa kontserttik maýsymnyń shymyldyǵyn ashty «Habar» agenttiginiń tapsyrysymen túsirilgen fılm TEFI syılyǵyna ıe boldy Elordada úzdik áskerı orkestrler synǵa túsedi

Festıval 22-24 tamyzda Qaraǵandy oblysy Ulytaý aýdanynda ótti. Ol «Rýhanı jańǵyrý» baǵdarlamasy aıasynda uıymdastyryldy. Bolatsaı eldi mekenindegi qonaqtar men qatysýshylar úshin tórt aımaqtan quralǵan úlken etnoaýyl turǵyzyldy. Olardyń arasyndaǵy eń bastysy – Qazaqstan Prezıdenti barǵan mýzykalyq aımaq. Munda LED- ekrany bar sahna ornatyldy.



Shoý «Nomad Stunts» atqa minýshi-kaskaderlik komandasynyń qoıylymymen bastaldy. Keıin sahnada «Toqyraýyn tolqyndary» (Qazaqstan), «Hassak» (Qazaqstan), «Moresca Nova» (Italııa), «Carmen Guerrero Flamenco» (Ispanııa), «Serbian Abrasevic band» (Serbııa), «Dunaj banda» (Vengrııa) ansamblderi óner kórsetti.



Sondaı-aq, qonaqtar úshin Aıgúl Úlkenbaeva, Janǵalı Júzbaev, Aıgúl Qosanova, Uljan Baıbosynova, aıtyskerler Amanjol Áltaev men Sara Toqtamysova, sheteldik folklorlyq ansamblder án shyrqady. Festıval sońynda Qaraqat Ábildına men Qydyráli Bolmanovtyń, «Ulytaý» tobynyń, «Dos Muqasan» tobynyń, «Altyn batyr» step-tobynyń, «Alataý serileri» tobynyń qatysýymen gala-kontsert ótti.



«Keremet uıymdastyrylǵan. Bizge bárinen buryn festıvaldiń tabıǵatta, arnaıy qurylǵan aýylda ótkeni unady. Italııada biz mundaıdy kórgen joqpyz. Biz ulttyq ashanamen tanysyp úlgerdik – ol óte erekshe. Men dombyra tartyp kórgim keledi», - dedi Italııadan kelgen mýzykant Petro Maskıandaro.

Etnoaımaqta «Uly dala jańǵyryǵy» qolóner sheberleriniń jumysy qoıylǵan. Fýdaımaqta qonaqtar úshin ulttyq qazaq taǵamdaryn ázirleý boıynsha sheberlik synyptary uıymdastyryldy.

«Bizge búgin qazaq ashanasynan bes taǵam túrin ázirleý tásilin kórsetti. Negizgisi – barlyq otbasyǵa arnalǵan bıdaı kóje. Bul sýsynǵa et, sút ónimderi men daqyldar qosylady. Sondaı-aq, qaryn kómbe, qaryn búrme, tóńkerme ázirlendi», - deıdi QR Ulttyq mýzeıi janyndaǵy «Halyq qazynasy» ǵylymı-zertteý ınstıtýty materıaldyq emes mádenı mura bóliminiń basshysy Aıgerim Musaǵaıjınova.



Jezkiik etnoaýylynda ulttyq sport túrlerinen – asyq atý, qol kúres, qazaqsha kúres, toǵyzqumalaqtan jarystar ótken sporttyq aımaq jumys istedi.

Jezkiik festıvali Qaraǵandy oblysynda ekinshi ret ótip jatyr. Bıyl oǵan 217 qatysýshy jınaldy.

Aıta keteıik, osyǵan deıin Qaraǵandy oblysynda dástúrli Jezkiik festıvali ótetindigin habarlaǵanbyz.






Avtor: Agata Mýhamedjanova

Bizdiń kanalymyzǵa jazylyńyz:

Basty sózder: Qaraǵandy oblysy, Mádenıet,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Mýhamedııarova Janara
Mýhamedııarova Janara
954-059
REDAKTOR
Janıbek Amangeldı
Janıbek Amangeldı
954-059

MURAǴAT