Ulytaý oblysynda munaı salasyna qatysty jobalar ázirlenip jatyr
2022 jylǵy 17 tamyz 15:56

Ulytaý oblysynda munaı salasyna qatysty jobalar ázirlenip jatyr

NUR-SULTAN. QazAqparat – Ulytaý oblysynyń ákimi Berik Ábdiǵalıuly el Prezıdentine ne jaıynda baıandaǵanyn aıtty, habarlaıdy QazAqparat tilshisi.

«Memleket basshysyna osy eki aıda atqarylǵan jumysty tanystyryp óttim. Sonyń ishinde biz Memleket basshysynyń tapsyrmasymen Ulytaý oblysynyń 5 jyldyq damý josparyn jasadyq. Sonyń negizgi baǵyttarymen, jobalarymen tanystyrdym. Eń bastysy, árıne, bul Ulytaý oblysyndaǵy eń ózekti másele – jol. Ol: Qyzylorda-Jezqazǵan, Jezqazǵan-Qaraǵandy joldary. Bolashaqta Ulytaý-Arqalyq joly da mańyzdy», - dedi oblys ákimi.

Sonymen qatar ol Prezıdentke Jezqazǵanǵa sapaly aýyz sý tartý, káriz júıesin jóndeý baǵytynda Úkimetpen birge jumys iste jatqandary týral esep bergenin aıtty.

«Keshendi josparda áleýmettik salany damytýǵa, onyń ishinde Jezqazǵan qalasynda úlken perzenthana salý josparlanǵan. «Aýyl – el besigi» baǵdarlamasy aıasynda búkil eldi mekende sport keshenderi men feldsherlik pýnktter salý kózdelgen. 11 mektepti aldaǵy 5 jylda salý josparda bar. Munan bólek, aldymyzda turǵan eń úlken mindettiń biri – óńirge ınvestıtsııa tartý. Onyń ishinde jeke jáne memlekettik ınvestıtsııa bar. Óıtkeni, úlken kásiporyndar ashý josparymyz tur. Basym baǵyttarymyzdyń biri - aýyl sharýashylyǵyn damytý. Sonymen qatar munaı salasynda jobalar daıyndap jatyrmyz. Úkimet te maquldady. Memleket basshysy qoldaý kórsetti. Úkimetke halyq kóterip júrgen kúrdeli máselelerdi ýaqytymen, retimen sheshýge tapsyrma berildi», - dedi Berik Ábdiǵalıuly.

Eske salsaq, Memleket basshysy Ulytaý oblysynyń ákimi Berik Ábdiǵalıulyn qabyldady.


Seriktester jańalyqtary

Jańalyqtar

Úrdis

MURAǴAT