Valıýta baǵamdary:
    usd/kzt 476.18 eur/kzt 485.56

    rub/kzt 7.76 cny/kzt 70.34
Aýa raıy:
Nur-Sultan: 1 °S
Almaty: 15 °S

Ulytaý oblysynda eki qyz belgisiz jaǵdaıda sýǵa batyp ketti

2022 jylǵy 22 maýsym 11:24

JEZQAZǴAN. QazAqparat - Ulytaý oblysynda sýǵa batyp ketken eki qyzdyń denesi tabyldy. Qazir polıtsııa balalardyń óliminiń mán-jaıyn anyqtap jatyr, dep habarlaıdy QazAqparat tilshisi.

Jasóspirimderdiń denesi Ulytaý oblysy, Aqtaý aýylynan jıyrma shaqyrym jerdegi sý qoımasynan tabyldy. Qazirgi ýaqytta balalar óz aýylynan qalaı alys ketkeni anyqtalýda.

Mektep oqýshylarynyń jasy – 10 jáne 12. Ekeýiniń de ústinde kıimi bolǵan. Birinshi qyzdyń denesin balyqshy, ekinshisin qutqarýshylar tapqan.

«20 maýsym kúni Jańaarqa aýdanyndaǵy Aqtaý aýylynan 20 shaqyrym jerdegi sý aıdynyna 2009 jáne 2012 jyly týǵan eki bala batyp ketti. Qyzdardyń denesin sýdan TJD qutqarýshylary men kýágerler alyp shyqty», - dep habarlady Qaraǵandy oblysy Tótenshe jaǵdaılar departamentiniń baspasóz qyzmetinen.

Aýyl turǵyndarynda bul oqıǵaǵa qatysty suraq kóp. Sebebi toǵan jaǵalaýy tegis, jartastar joq. Eń tereń jerdegi sý deńgeıi eki metrden aspaıdy.

Qazir jasóspirimderdiń ólimin tergeýmen polıtsııa aınalysyp jatyr.


Avtor:

Agata Mýhamedjanova

Novostı po teme
Uqsas jańalyqtar
Seriktester jańalyqtary