Jańalyqtar  >
  Qoǵam
Ulytaý oblysyna qyrkúıek aıynan «Talgo» poıyzy qatynaıdy
2022 jylǵy 9 tamyz 23:55

Ulytaý oblysyna qyrkúıek aıynan «Talgo» poıyzy qatynaıdy

NUR-SULTAN. QazAqparat –Ulytaý oblysyna «Talgo» poıyzdary júre bastaıdy. Bul týraly Indýstrııa jáne ınfraqurylymdyq damý mınıstrliginiń baspasóz qyzmetinen málim etti, dep habarlaıdy QazAqparat tilshisi.

«Ulytaý oblysyna kólik qatynasyn damytý maqsatynda bıyl qyrkúıekten bastap Jezqazǵan qalasyna «Talgo» poıyzdary qatynaıdy. Ol úshin kún ara № 65/66 «Nur-Sultan – Jezqazǵan» jáne № 73/74 «Almaty-2 Jezqazǵan» baǵytyndaǵy poıyzdar jolǵa shyǵady», - dedi vedomstvodan.

Sonymen qatar mınıstrlik jyl basynan beri jolaýshylar poıyzyna júrgizilgen tekserister nátıjesin jarııalady. 300 poıyz tekserýden ótip, olarda 700-ge jýyq olqylyq tabylǵan. Anyqtalǵan faktiler boıynsha ákimshilik hattamalar toltyrylǵan.

Budan bólek, málim etilgendeı, qazir poıyz bıletteriniń alyp-satarlyǵymen aınalysatyn tulǵalardy anyqtaý sharalary júrip jatyr. Osyǵan oraı QR IIDM Kólik komıtetiniń tapsyrmasy boıynsha jol júrý qujattaryn satyp alý jáne qaıta satý faktileriniń jolyn kesý maqsatynda aýmaqtyq bólimsheler Kólik polıtsııasynyń jáne Memlekettik kirister departamentteriniń ókilderimen birlesip temirjol vokzaldarynda jumys júrgizýde.

Aıta ketsek, búgin atalǵan vedomstvoǵa qarasty Azamattyq avıatsııa komıteti jóndeýge jabylǵan Úsharal áýejaıy paıdalanýǵa berilgenin málim etken bolatyn.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT