Ulytaý oblysy ákiminiń eki orynbasary taǵaıyndaldy

ULYTAÝ. QazAqparat – Búgin Ulytaý oblysy ákiminiń orynbasarlary, apparat basshysy, basqarma basshysynyń mindetin atqarýshylar tanystyryldy, dep habarlaıdy QazAqparat tilshisi.

«Buǵan deıin de aıtqanymyzdaı, bizdegi basqarmalar sany shaǵyn quramda bolady. Bas-aıaǵy 18 basqarma qurylyp, 251 shtat sany bekitildi. Keı basqarmalar biriktirildi, endi biri jeke óz aldyna basqarma bolyp bólindi», - dedi oblys basshysy.

QR Prezıdenti Ákimshiliginiń kelisimimen, oblys ákiminiń ókimimen Ulytaý oblysy ákiminiń orynbasary qyzmetine Aman Barıkenov taǵaıyndaldy. Ol qarjy, ekonomıka máselelerin úılestiretin bolady.

Oblys ákiminiń turǵyn úı-kommýnaldyq sharýashylyq, qurylys, sáýlet, energetıka, jolaýshylar kóligi, avtomobıl joldary máseleleri jónindegi orynbasary laýazymyn Ulantaı Úsenov atqarady.

Taǵaıyndalǵan basqarma basshylarynyń mindetin atqarýshylar:

Ulytaý oblysynyń qoǵamdyq damý basqarmasy – Mereke Myrzabekova;

Ulytaý oblysynyń dene shynyqtyrý jáne sport basqarmasy – Saıat Balmaǵanbetov;

Ulytaý oblysynyń mádenıet, tilderdi damytý, muraǵat isi basqarmasy – Ánýar Omar;

Ulytaý oblysynyń bilim basqarmasy – Sapýra Tólekova ;

Ulytaý oblysynyń densaýlyq saqtaý basqarmasy – Lázzat Ranova

Ulytaý oblysynyń jumyspen qamtýdy úılestirý jáne áleýmettik baǵdarlamalar basqarmasy – Zına Aqylbekova;

Ulytaý oblysynyń jolaýshylar kóligi jáne avtomobıl joldary basqarmasy – Jomart Begaev;

Ulytaý oblysynyń kásipkerlik jáne ónerkásip basqarmasy – Ǵazız Tóleýov;

Ulytaý oblysynyń tabıǵı resýrstar jáne tabıǵat paıdalanýdy retteý basqarmasy – Qýat Imantúspov;

Ulytaý oblysynyń ekonomıka basqarmasy – Erlan Myrzabekov;

Ulytaý oblysynyń qarjy basqarmasy – Vıktorııa Stavıtskaıa;

Ulytaý oblysynyń memlekettik satyp alý basqarmasy – Almat Áıtenov;

Ulytaý oblysynyń energetıka jáne turǵyn úı-kommýnaldyq sharýashylyq basqarmasy – Almas Jandarbekov;

Ulytaý oblysynyń eńbek ınspektsııasy jónindegi basqarmasy – Keńgirbaı Smaǵulov;

Ulytaý oblysynyń memlekettik sáýlet-qurylys baqylaý basqarmasy – Talǵat Álmenov;

Ulytaý oblysynyń veterınarııa basqarmasy – Ábýsaǵıt Ábdiker.