+7 (701) 759 90 19
USD 427.93 EUR 506.71
RUB 5.55 CNY 64.29
Jańalyqtar

Ulytaý aýdanynda ákimdik ǵımaratynda bilim alyp kelgen oqýshylar jańa mektepke kóshti

2020 jylǵy 29 qyrkúıek 14:59
Bólisińiz:
Ulytaý aýdanynda ákimdik ǵımaratynda bilim alyp kelgen oqýshylar jańa mektepke kóshti

ULYTAÝ. QazAqparat - Qaraǵandy oblysy Ulytaý aýdanyna qarasty Alǵabas aýyldyq okrýginde jańa mektep ashyldy, dep habarlaıdy QazAqparat.

Uqsas jańalyqtar
Erazmýs+ jáne Tempýs jobalary bizdiń bilim berý júıemizdi ózgertti – Shaızada Tasbolatova Ózbekstanda úsh jylda 48 jańa ýnıversıtet ashyldy Elimizdegi bilim sapasy eýropalyq standarttarmen sáıkes keledi – QR BǴM

Alǵabas eldimekenindegi №14 orta mektep osydan bes jyl buryn otqa oranǵan. Saldarynan mektep oqýshylary bes jyl boıy ákimdik ǵımaratynda oqýǵa májbúr boldy. Al jańa mekteptiń qurylysy qarjy tapshylyǵynan turalap qalǵan edi. Osylaısha, araǵa jyldar salyp, aýdan qazynasynan bólingen 364 mıllıon teńge qarajattyń arqasynda qurylystyń boıyna qan júgirip, jaqynda jańa mektep paıdalanýǵa berildi.


Mekteptiń ashylý saltanatyna Qaraǵandy oblysy bilim basqarmasy basshysynyń orynbasary Amankeldi Júnisov arnaıy kelip, bilim ordasynyń lentasyn qıdy. Sondaı-aq tarıh, geografııa, tehnologııa pánderi synyptaryn jabdyqtaý úshin oblys ákimi Jeńis Qasymbektiń atynan 3 mıllıon teńgeni quraıtyn bas aıaǵy 6 mıllıon teńgelik qos sertıfıkat tabystaldy.


Aýdan ákimi Berik Ábdiǵalıuly da alǵabastyqtardy mekteptiń ashylýymen quttyqtap, aýdan ákimdiginiń atynan ınformatıka páni synybyn jasaqtaý úshin 4 mıllıon teńgeniń sertıfıkatyn berdi. Sonymen qatar aýdan ákimi mektepte muǵalimder tapshylyǵy bolmaıtyndyǵyn, jas mamandardy aýyldarǵa shaqyrý maqsatynda túrli jaǵdaılar qarastyrylatyndyǵyn jetkizdi.

Aıta keteıik, Alǵabastaǵy №14 orta mektepte qazirgi tańda 75 oqýshy tálim alady. Zamanaýı úlgide boı kótergen 80 oryndyq bilim oshaǵyn jabdyqtaýǵa jergilikti azamattar da demeýshilik jasaǵan.


Avtor: Erkenaz Shoqan


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT