+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Ulybrıtanııada ulttyq naqyshtaǵy sán úlgileri kórsetildi

2019 jylǵy 18 qarasha 17:47
Bólisińiz:
Ulybrıtanııada ulttyq naqyshtaǵy sán úlgileri kórsetildi

LONDON. QazAqparat – Qazaqstandyq jas dızaıner kıiz ben jibekten tigilgen jeke toptamasyn londondyq kórermen nazaryna usyndy, dep habarlaıdy QazAqparat tilshisi.

«Silk road fashion show» sán kórsetilimine qatysqan dızaıner Elvıra Qajytaeva ulttyq naqyshta tigilgen kıim úlgilerin búkil álemge pash etip júr.

Sheberdiń aıtýynsha, shıkizat túrinde kıiz ben júndi tańdaý sebebi olar tabıǵı taza ónim, ári óte jeńil, ıaǵnı ystyq ta bolmaıdy, sýyq ta bolmaıdy. Birqalypty temperatýrany ustap otyrady.

«Sońǵy ýaqytta Eýropada ekologııalyq taza ónimder úlken suranysqa ıe. Buǵan qosa palto nemese kóılek bolsyn qaıtalanbaıdy, tek jalǵyz danamen tigilgen», - deıdi Elvıra Qajytaeva.


Kesh qonaqtarynyń biri Maksın Grıffıtstiń pikirinshe, qazaqstandyq dızaıner óte tamasha kıim úlgilerin kórsetken.

«Biz shynymen de ulttyq oıý-órnekpen árlengen, ártúrli stıl men tústegi kıimderge tánti boldyq», -deıdi londondyq kórermen.



Silk road fashion show-ǵa Qazaqstannan bólek Italııa, Frantsııa, Reseı, Bolgarııa, Taıvan jáne Ulybrıtanııadan kelgen ókilder de qatysty. «Aldaǵy ýaqytta Jibek joly elderi týraly aqparatty sán arqyly nasıhattaǵymyz keledi. Óıtkeni sán - adamdardyń mádenıetiniń aınasy», deıdi shara uıymdastyrýshysy Alma Farmer.

Keshte sán úlgilerin kórsetýshilerdiń biri ári «Silk road fashion show»-nyń betke ustary, qazaqstandyq Mılena Tajına jobany nasıhattap, barynsha qoldaý bildirgeni úshin arnaıy táj kıdi.

Aıta ketsek, Elvıra Qajytaeva «Bıznestiń jol kartasy – 2020» baǵdarlamasy tigin mashınalar men qural-jabdyqtar satyp alyp, kásibin dóńgeletken jas kásipker. Ol bolashaqta Eýropa boıynsha shoýrýmdar ashyp, qazaqstandyq sán mektebin tanymal etýdi josparlap otyr.




Bizdiń kanalymyzǵa jazylyńyz:

Basty sózder: Eýropa, Mádenıet,
Bólisińiz:

Avtor:

Ǵalymjan Qaramanuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT