Ulybrıtanııada temirjolshylar jappaı ereýilge shyqty
2022 jylǵy 22 maýsym 14:58

Ulybrıtanııada temirjolshylar jappaı ereýilge shyqty

LONDON. QazAqparat - Brıtanııada temirjol salasynyń 40 myńǵa jýyq qyzmetkeri ómir súrý qunynyń kúrt qymbattaýynan ereýilge shyǵyp, jalaqyny arttyrýdy, eńbek jaǵdaıyn jaqsartýdy surady, dep habarlaıdy QazAqparat NBC News basylymyna silteme jasap.

Seısenbi kúni Ulybrıtanııada temirjolshylardyń sońǵy 30 jyldaǵy eń úlken ereýili ótti. Mıllıondaǵan adam eldiń kólik jelisindegi kollapstan qıyn jaǵdaıǵa tap boldy. Keıbir temirjol stantsııalarynda poıyzdardyń tek 20% ǵana qatynady. London metropolıteni de qyzmetin toqtatty.

Osyndaı ereýilder aldaǵy beısenbi jáne senbi kúnderine josparlanǵan. Bul jalaqy men eńbek jaǵdaıyn jaqsartýǵa, temirjol jelisin jańǵyrtýǵa qatysty uzaq ýaqytqa sozylǵan kúrestiń sharyqtaý shegi. Qazir elde buryn-sońdy bolmaǵan qymbatshylyq oryn alyp otyr. Kóptegen jumysshy sáýir aıynda 9% quraǵan ınflıatsııa saldarynan qıyn jaǵdaıǵa tap boldy.


Seriktester jańalyqtary

Jańalyqtar

Úrdis

MURAǴAT