Ulybrıtanııada medbıkelerdiń tarıhtaǵy eń iri ereýili bolyp jatyr
ASTANA. QazAqparat – Búgin Ulybrıtanııada medıtsına qyzmetkerleriniń el tarıhyndaǵy eń iri ereýili bolyp jatyr. Medbıkeler, meıirgerler men jedel kómek qyzmetkerleri narazylyq aktsııasyna shyqty, dep habarlaıdy QazAqparat tilshisi.
450 myńnan astam múshesi bar RCN kásipodaǵy jaqtastaryn kóshege shyǵýǵa shaqyrýda. Kásipodaq mundaı qadamǵa Premer-Mınıstr Rıshı Sýnakty qysymǵa alyp, el Úkimetin ymyraǵa kelýge májbúrleýi úshin baryp otyr.
Dúısendi kúni qatarlaryna GMB jáne Unite kásipodaqtarynyń ókilderi – 10 myńnan astam jedel kómek qyzmetkerleri qosylǵan densaýlyq saqtaý salasynyń qyzmetkerleri jalaqylaryn ınflıatsııadan 5 paıyzǵa joǵary kóterýdi talap etip jatyr.
2022 jyldyń qazanynda Ulybrıtanııada tutynýshylyq baǵa jyldyq esepteýde 11,1 paıyzǵa ósti. Bul eldegi 1981 jyldan bergi eń joǵary kórsetkish sanalady.
Aıta keterligi, Densaýlyq saqtaý mınıstri Stıv Barklaı kásipodaqtarǵa raılarynan qaıtýǵa shaqyryp, Úkimet jalaqyny ınflıatsııadan joǵary kótere almaıtyndyǵyn alǵa tartyp otyr.
RCN kásipodaǵynyń málimetinshe, 2021 jyly jalaqynyń tómen bolýy saldarynan 25 myń medbıke jumystan shyǵyp ketken. Sonyń saldarynan elde kishi medıtsınalyq qyzmetkerlerdiń jetispeýshiligi baıqalady.
Aıta keterligi, jedel qyzmet qyzmetkerleriniń barlyǵy birdeı ereýilge shyqpaıdy jáne de shuǵyl shaqyrtýlarǵa qyzmet kórsetiledi. Sonymen qatar Ýelste medbıkeler men jedel kómek qyzmetkerleri jalaqylaryna qatysty usynysty qabyl alyp, josparly ereýilge shyǵýdan bas tartty. Al Shotlandııanyń medıtsına qyzmetkerleri jergilikti úkimetpen kelissóz júrgizip jatyr.
RCN kásipodaǵynyń medbıkeleri men meıirgerleri ereýili erteń de jalǵastyrmaq. Al jedel járdem brıgadalary seısenbi kúni jumysqa tolyq shyqqanymen juma kúni narazylyqtaryn qaıtadan bildirýge umtylmaq.
Tımýr Dúısekeev
Foto: REUTERS/Toby Melville
