Ulybrıtanııada maımyl sheshegine qarsy dári tabyldy
2022 jylǵy 25 mamyr 11:34

Ulybrıtanııada maımyl sheshegine qarsy dári tabyldy

NUR-SULTAN. TASS-QazAqparat - Halyqaralyq zertteýshiler toby Ulybrıtanııadaǵy dárigerler maımyl aýrýyn juqtyrýdyń bir jaǵdaıyn adamnyń sheshek aýrýyna qarsy dári – tekomvırımatpen sátti emdegenin anyqtady, dep habarlaıdy QazAqparat TASS aqparat agenttigine silteme jasap.

Ǵalymdardyń qorytyndysy Lancet basylymyndaǵy maqalada jarııalanǵan.

«Áriptesterimiz maımyl sheshegi indetiniń qaıdan shyqqanyn jáne vırýstyń qalaı taralatynyn anyqtap jatqanda bizdi buryn bul aýrýmen kúresý úshin qandaı preparattar qoldanylǵany qyzyqtyrdy», - deıdi Lıverpýl (Ulybrıtanııa) ýnıversıtettiń zertteýshisi Hıý Adler jýrnalǵa bergen suhbatynda.

Ǵalymdar jasaǵan analız boıynsha, emdeýshi dárigerler aýrýdy vırýsqa qarsy eki preparat –brıntsıdofovır jáne tekomvırımatpen basýǵa tyrysqan.

Birinshisi jelsheshekpen kúresý úshin shyǵarylsa, ekinshisi — adamnyń sheshek vırýsynyń kóbeıýin basatyn álemdegi alǵashqy dári.

Keıingi baqylaý kórsetkendeı, brıntsıdofovır patsıentterge aıtarlyqtaı jeńildik ákelmedi.

Sonymen qatar, ony qabyldaý adamnyń baýyryna aýyr bolǵandyqtan terapııa toqtatyldy.

Al tekomvırımat keri áser týdyrmady. Bul dári-dármekti qabyldaǵan patsıenttiń densaýlyǵy jaqsaryp qalǵan.

Adler men onyń áriptesteriniń aıtýynsha, mundaı baqylaý nátıjesi bul preparatty maımyl vırýsymen kúresý úshin qoldanýǵa bolatynyn kórsetedi.

Ǵalymdar keıingi eksperımentter men baqylaýlardyń bul gıpotezany rastaıtynyna úmitti.

Sáýir-mamyr aılarynda birqatar Batys Eýropa elderinde taraǵan maımyl indeti basqa kontınentterde de anyqtalǵan.

Ulybrıtanııadan basqa juqtyrý faktileri Avstralııa, Belgııa, Germanııa, Ispanııa, Italııa, Kanada, Portýgalııa, AQSh, Frantsııa, Shveıtsarııa jáne Shvetsııada tirkeldi.


Uqsas jańalyqtar

Jańalyqtar

MURAǴAT