Ulybrıtanııa úkimetiniń eki bas mınıstri otstavkaǵa ketti
2022 jylǵy 6 shilde 18:57

Ulybrıtanııa úkimetiniń eki bas mınıstri otstavkaǵa ketti

NUR-SULTAN. QazAqparat - Ulybrıtanııanyń qarjy mınıstri Rıshı Sýnak brıtan qoǵamynyń úkimetten durys, saýatty jáne baıypty jumys kútetinin aıtyp, otstavkaǵa ketti. Buǵan deıin densaýlyq saqtaý mınıstri Sadjıd Djavıd premer-mınıstr Borıs Djonsonnyń áreketimen kelispeýine baılanysty qyzmetinen ketken bolatyn. Bul týraly QazAqparat VVS aqparat agenttigine silteme jasap habarlaıdy.

Ulybrıtanııanyń jańa densaýlyq saqtaý mınıstri bolyp premer-mınıstrdiń apparat basshysy Stıven Barklı taǵaıyndaldy. Qarjy mınıstri ornyna qazirgi bilim mınıstri Nadhım Zahavı keldi.

BBC-diń saıası sholýshysy Krıs Meısonnyń aıtýynsha, qazir úkimette bolyp jatqan jaǵdaı onyń tolyq kúıreýine aınalýy múmkin.

«Eki otstavka birinen soń biri jarııalandy... Eger otstavkalar jalǵasa berse, Borıs Djonsonnyń premer-mınıstr qyzmetinde qalýy óte qıyn bolady», - dep jazdy ol.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT