Ulybrıtanııa Reseı altynyn ımporttaýǵa tyıym salmaqshy
2022 jylǵy 27 maýsym 13:45

Ulybrıtanııa Reseı altynyn ımporttaýǵa tyıym salmaqshy

LONDON. QazAqparat – Ulybrıtanııa Máskeýge ondaǵan mlrd dollar kiris ákelip otyrǵan Reseı altynyn ımporttaýǵa tyıym salmaqshy, dep habarlaıdy QazAqparat BBC News basylymyna silteme jasap.

London altyn saýdasynyń iri álemdik ortalyǵy bolǵandyqtan, Ulybrıtanııa úkimeti bul qadam Pýtın ákimshiliginiń qarajat tartý qabiletine úlken yqpal etedi dep málimdedi.

Ulybrıtanııa premer-mınıstri Borıs Djonson Pýtınniń qarjylandyrý rejımin alyp tastaý kerek dedi. Bul shekteý sharalary shamamen 13,5 mıllıard fýnt sterlıng kóleminde Reseı eksportyna áser etedi.

2021 jyly altyn eksporty Reseı qazynasyna 12,6 mıllıard fýnt sterlıng (15,4 mıllıard dollar) paıda ákelgen.

Bul tyıym jaqyn arada kúshine enedi jáne zań jobasy aldaǵy aptada Parlamentke engiziledi. Ol jańadan alynǵan nemese tazartylǵan altynǵa qoldanylady. Buǵan deıin Reseıden eksporttalǵan qymbat metalǵa áser etpeıdi. Germanııa, Frantsııa jáne Italııa sııaqty G7 basqa elderi de tyıymǵa qosylýy múmkin.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT