+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

Ulybrıtanııa basqa elderge kórsetetin kómek kólemin qysqartpaq

2021 jylǵy 14 shilde 15:55
Bólisińiz:
Ulybrıtanııa basqa elderge kórsetetin kómek kólemin qysqartpaq

NUR-SULTAN. QazAqparat – Brıtan parlamenti el úkimetiniń sheteldik memleketterge kómek kólemin jalpy ulttyq kiristiń 0,7%-dan 0,5%-ǵa deıin qysqartý usynysyn qoldady, dep habarlaıdy QazAqparat Euronews aqparat agenttigine silteme jasap.

Osy bastamaǵa baılanysty kómekke muqtaj álem elderi bıylǵy jyly koroldikten tórt mıllıard fýnt sterlıngke jýyq kólemdegi kómegin almaıdy. Zań jobasyn qoldap 333 depýtat daýys berse, taǵy 298 depýtat oǵan qarsy shyqty.

Ulybrıtanııa Premer-mınıstri Borıs Djonson osyndaı qadamnyń qajet bolǵanyn atap ótti.

«Siz óz halqyńyzdy buryn bolmaǵan ekonomıkalyq daýyldan qorǵaý úshin 407 mıllıard fýnt sterlıng jumsaýǵa májbúrli bolsańyz, memlekettik shyǵynnyń basqa salalaryna da qıyndyq týyndaıdy», - dedi ol.

Ulybrıtanııanyń burynǵy premer-mınıstri Tereza Meı men oppozıtsııa kóshbasshysy Ser Keır Starmen zań jobasyna qatysty qatań syn aıtty.

«Damytý maqsatynda jiberilip otyrǵan kómek qysqartylýda. Osy arada biz onyń janjaldardyń aldyn alyp, aýrý jáne úılerin tastap ketetin adamdar sanyn azaıtatynyn bilip otyrmyz», - dedi oppozıtsııa kóshbasshysy Keır Starmer.

Djonson Qarjy mınıstrliginiń kómek kólemin burynǵy kórsetkishke qaıtarý múmkindigin jyl saıyn qarastyryp otyratynyn málimdedi. Al ázirge birqatar qaıyrymdylyq uıymdar, atap ótkende Oxfam jáne ActionAid kóptegen jobalardy toqtatatynyn eskertti.


Bizdiń kanalymyzǵa jazylyńyz:

#Eýropa   #Álem  
Bólisińiz:

Avtor:

Zarına Týǵanbaeva

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT