+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

Uly dalanyń uly esimderi: 100 tulǵa iriktelip alyndy

2019 jylǵy 19 qarasha 12:29
Bólisińiz:
Uly dalanyń uly esimderi: 100 tulǵa  iriktelip alyndy

ALMATY. QazAqparat – Almatyda «Uly dalanyń uly esimderi» tizimi taǵy bir márte talqylandy, dep habarlaıdy QazAqparat tilshisi.

Onda tarıhshylar «Uly dalanyń uly esimderi» oqý-aǵartý entsıklopedııalyq saıabaǵyn qurý jobasyn jáne «Uly dalanyń uly esimderi» tizimin taǵy bir márte talqylady. Shara Sh.Ýálıhanov atyndaǵy tarıh jáne etnologııa ınstıtýtynda ótti

Halyqaralyq ǵylymı – teorııalyq konferentsııaǵa kásibı tarıhshylar, qoǵam qaıratkerleri, ǴZI ókilderi, doktoranttar jáne jas ǵalymdar qatysty. Shara barysynda tarıh ǵylymdarynyń doktory, professor Mámbet Qoıgeldi Alash qozǵalysynyń ult taǵdyryndaǵy orny týraly sóz qozǵady.

«Alash qozǵalysy dúnıetanymdyq tarıhtyń ózegi. Óıtkeni Alash halyqymyzdy besiginde terbetip, eseıip at jalyn tartyp mingende boıyna kúsh-qýat jáne senim bergen-ulttyq ıdeıa. Biz osy ýaqytqa deıin iri tulǵalardy, Alash qozǵalysynyń basshylary týraly kóp aıtyp kelemiz. Al endi sol Alash qozǵalysyna úlken kúsh bergen, qoldaý jasaǵan qalyń kópshilik bar. Sol kópshilikti biz áli túgendeı alǵan joqpyz. Olardyń barlyǵy derlik repressııa qurbany boldy. Olardyń ómir joldaryna baılanysty qujattar álide jabyq kúıinde jatyr. Bul árıne ókinishti jaǵdaı. Osyndaı konferentsııalar, izdenister sol tulǵalardy jaryqqa shyǵarýǵa, ómirin halyqqa jetkizýge áserin tıgizedi. Bul jobalar tarıhshylar men etnologtarǵa keń dańǵyl jol ashyp otyr. Biz soǵan jumys jasap jatyrmyz»,- deıdi tarıh ǵylymdarynyń doktory Mámbet Qoıgeldi.

Sh.Ýálıhanov atyndaǵy tarıh jáne etnologııa ınstıtýty dırektorynyń ǵylymı jumystar boıynsha orynbasar mindetin atqarýshy Bolat Qudaıbergenuly jıynda «Uly dalanyń uly esimderi» oqý-aǵartý entsıklopedııalyq saıabaǵynyń tujyrymdamasyna toqtaldy.

«Uly dalanyń uly esimderi» jobasyn júzege asyrý barysynda 100 tulǵa iriktelip alyndy. Qazir tórt saıabaq ashýdy josparlap otyrmyz. Búgingi kúni orny belgilendi. Onda tarıhı tulǵanyń músini ornatylady. Sondaı-aq úsh tilde sol tulǵa týraly aqparat jazylady (qazaq, orys, aǵylshyn tilderinde)»,- dedi Bolat Qudaıbergenuly.

Sonymen qartar, halyqaralyq ǵylymı konferentsııa barysynda «Uly dalanyń uly esimderi» mýltımedııalyq veb-portalynyń tusaýkeseri boldy.

«Bul mýltımedııalyq veb-portal – aqparattyq júıe. Munda tarıhı tulǵalar týraly tolyq maǵlumatty úsh tilde alýǵa bolady. Osy veb-portalǵa kirý arqyly kópshilik «Uly dalanyń uly esimderi» jobasyna engen adamdardyń ómiri, qazaq halyqyna sińirgen eńbegi, erligi jaıynda aqparat alady. Ásirese, stýdentter men jas ǵalymdar úshin mýltımedııalyq veb-portaldyń paıdasy zor bolmaq»,- deıdi ol.

Aıta keteıik, «Uly dalanyń uly esimderi» jobasy Nur-Sultan, Aqtóbe, Pavlodar, Túrkistan qalalarynda da talqylandy.

Bizdiń kanalymyzǵa jazylyńyz:

Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT