+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

«Uly Dala Tańy» fılminiń túsirilimi qalaı júrip jatyr

2021 jylǵy 27 maýsym 13:30
Bólisińiz:
«Uly Dala Tańy» fılminiń túsirilimi qalaı júrip jatyr

NUR-SULTAN. QazAqparat – QR Mádenıet jáne sport mınıstri Aqtoty Raıymqulova bastaǵan delegatsııa Almaty oblysy Qapshaǵaı qalasynyń mańynda ornalasqan «Uly Dala Tańy» fılminiń túsirilim alańynda boldy, dep habarlaıdy QazAqparat.

«Túsirilim alańynda bar kúshin salyp jumys jasap jatqan barlyq túsirý tobyna erekshe alǵysymdy bildirip, sizderge artyp otyrǵan úmitimiz zor ekenin jetkizgim keledi. Denderińizge saýlyq, eńbekterińizge sáttilik tileımin», - dedi Aqtoty Raıymqulova.

Sh.Aımanov atyndaǵy «Qazaqfılm» AQ prezıdenti Aqan Sataevtyń aıtýynsha, túsirilim jospar boıynsha ótýde.

«Túsirilimder oıdaǵydaı júrip jatyr, jumystyń jartysy aıaqtaldy. Búgin túsirilimniń 41-shi kúni, biz sheshýshi ári qıyn sahnalardyń birin túsiremiz. Túsirilimge 300-ge jýyq adam qatysady – 56 kaskader, 200-den astam shabandoz bar. Jumys jospar boıynsha júrýde», – dedi Aqan Sataev.

Sondaı-aq, rejısser shilde aıynyń basynda Almaty oblysy Kegen aýylynyń mańynda Qasym han aýylynyń kóshin túsiretinin, al keıin túsirý jumystary Іle ózeniniń boıynda osy fılmge beıimdelgen «Túrkistan» dekoratsııasynda jalǵasatynyn habarlady.

«Uly Dala Tańy» tarıhı fılmi Qasym hannyń ómiri, handyq bıligi men Qazaq handyǵynyń gúldenip, nyǵaıýy jolyndaǵy kúresi týraly baıandaıdy. Kınotýyndyny QR Mádenıet jáne sport mınıstrliginiń tapsyrysy boıynsha Sh.Aımanov atyndaǵy «Qazaqfılm» kınostýdııasy túsirip jatyr.

Esterińizge sala keteıik, «Uly Dala Tańy» fılminiń túsirilimi bıyl aqpan aıynyń sońynda Almaty oblysy Kóktal kentiniń mańynda bastaldy. Jobanyń shyǵarmashylyq ujymy: Bas prodıýseri – Álııa Nazarbaeva, stsenarıı avtorlary – Bekbolat Shekerov pen Aqan Sataev; qoıýshy sýretshi – Qýat Tleýbaev; qoıýshy operatory – Hasan Qydyralıev; grım boıynsha sýretshiler – Lıdııa Ordynskaıa, Botagóz Ábdibaeva; kostıým boıynsha sýretshi – Dına Býksıkova.

Tarıhı jobanyń ǵylymı keńesshileri: tarıhshy, tarıh ǵylymdarynyń doktory, professor Bereket Káribaev; fılosofııa jáne sáýlet óneri doktory Almas Ordabaev; sýretshi-keskindemeshi, tarıh ǵylymdarynyń kandıdaty, etnograf-qarý jasaýshy Qalıolla Ahmetjan jáne basqalar.

Fılmde túsip jatqan akterler: Berik Aıtjanov (eresek Qasym han), Danııar Orazaev (jas Qasym han), Aıdos Ábdiqadyrov (jas Buryndyq han), Erik Joljaqsynov (eresek Buryndyq han), Nurlan Álimjanov (Muhammed Shaıbanı), Altynaı Nógerbek (jas Jahan Begim), Shamshagúl Meńdııarova (qart Jahan Begim), Tuńǵyshbaı Jamanqulov (eresek Álı Rashıd), Qýanysh Qudaıbergen (jas Álı Rashıd) jáne taǵy basqalary.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT