+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

«Uly Abaı – halyq júreginde» taqyrybynda jalpyhalyqtyq dıktant boldy

2020 jylǵy 11 qyrkúıek 13:42
Bólisińiz:
«Uly Abaı – halyq júreginde» taqyrybynda  jalpyhalyqtyq dıktant boldy

NUR-SULTAN. QazAqparat – QR MSM Til saıasaty komıteti Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynyń uıymdastyrýymen bıylǵy 8-11 qyrkúıek aralyǵynda qazaqtyń uly aqyny Abaıdyń 175 jyldyǵyna oraı tuńǵysh ret elimizdiń barlyq óńirlerińde «Uly Abaı – halyq júreginde» taqyrybynda respýblıkalyq dıktant jazý sharasy ótti, dep habarlaıdy QazAqparat tilshisi.

Sharanyń maqsaty – uly aqyn Abaı muralaryn keńinen nasıhattaý jáne jazý mádenıetin qalyptastyrýǵa yqpal etý.

«Qazaqtyń uly aqyny Abaıdyń 175 jyldyǵy atalyp ótip jatyr. Osyǵan baılanysty elimizde ártúrli sharalar uıymdastyrylýda. Solardyń biri - búgingi jalpyhalyqtyq dıktant. Dıktantqa bir adamdaı qatysyp otyrǵandaryńyz úshin alǵys aıtamyn. Bul dıktanttyń qandaı maqsaty bar? Otan ortaq bolǵannan keıin, til men jer ortaq. ıAǵnı, elimizdegi qandaı da bolsyn uly tulǵalar da ortaq», - dedi Mádenıet jáne sport mınıstrligi Til saıasaty komıtetiniń tóraǵasy Ádilbek Qaba.

Osy oraıda ol memlekettik til men uly tulǵalar ultty biriktiretinin, bárimizdi tutas el etetinin atap ótti.

«Sondyqtan búgin barshyńyzdyń qatysýlaryńyzben memlekettik tilde uly Abaıdyń 175 jyldyǵyna arnalǵan «Uly Abaı – halyq júreginde» taqyrybynda respýblıkalyq dıktant jazýdy qolǵa alyp otyrmyz. Abaıdyń shyǵarmashylyǵy bárimizge jaqsy tanys. Ol uly adamnyń eńbekteri eshqashan da ultqa bólinbeıdi. Uly shyǵarmashylyq barlyq adamzatqa tán, ıaǵnı Abaı tek qazaqtyń ǵana emes, adamzatqa ortaq uly tulǵa», - dedi komıtet tóraǵasy.

Bul sharaǵa Til basqarmalary qyzmetkerleri, oblystyq jáne aýdandyq tilderdi oqytý ortalyqtarynyń oqytýshylary, ádiskerler, til mamandary jáne memlekettik qyzmetshiler qatysty. Dıktant respýblıkamyzdyń ár óńirinde belgilengen kúnderge sáıkes ótkizildi. Dıktant 145 sózden turady, mátini Abaıdyń qara sózderinen qurastyrylǵan.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT