+7 (701) 759 90 19
USD 425.48 EUR 494.2
RUB 6.14 CNY 66.67
Jańalyqtar

Ultym ózbek bolǵanymen, júregim qazaq dep soǵady – qatardaǵy jaýynger

2021 jylǵy 7 mamyr 15:00
Bólisińiz:
Ultym ózbek bolǵanymen, júregim qazaq dep soǵady – qatardaǵy jaýynger

ORAL. QazAqparat – Ultym ózbek bolǵanmen, júregim qazaq dep soǵady. QR Ulttyq ulany «Batys» óńirlik qolbasshylyǵyna qarasty 5517-áskerı bóliminiń merzimdi qyzmet sarbazy, qatardaǵy jaýynger Rýslan Baqtııarov osylaı málim etti, dep habarlaıdy QazAqparat tilshisi.

Óziniń aıtýynsha, Rýslan Túrkistan oblysynda týyp-ósken. Ótken jyldyń jeltoqsan aıynan beri Oralda áskerı boryshyn atqarýda.

Qatardaǵy jaýynger ulty qujatta ózbek dep jazylǵanymen, shyndyǵyna kelgende, júregi qazaq dep soǵatynyn jasyrmady. Óıtkeni qazaq pen ózbek atam zamannan beri aýyly aralas, qoıy qoralas, tósekte basy, tóskeıde maly qosylǵan týysqan halyq.

«Qazirgi tańda Oral qalasynda ornalasqan 5517-áskerı bóliminde merzimdi qyzmet atqaramyn. Bizdiń rotada qarýlas dostarym arasynda qazaq, tatar, ýkraın, belorýs, ázerbaıjan, qyrǵyz jáne basqa ult ókilderi barshylyq. Bárimiz de tatýmyz, óıtkeni bizdiń kúshimiz birlikte. Kúni búgin kóptegen sabazdar táýelsiz Qazaqstannyń tynyshtyǵyn qorǵaý barysynda qaısarlyqtyń, áskerı sheberliktiń úlgisin kórsetýde. Túptep kelgende, aıtarym, biz qaı ulttyń ókili bolsaq ta, qasıetti Otanymyzdy qorǵaýǵa daıyn turýymyz kerek. Áskerı boryshymdy abyroımen ótep, elime qaıtsam deımin», dedi R.Baqtııarov.

Eske sala keteıik, budan buryn kópirden sekirgen áıeldi qutqarǵan oraldyq áskerı qyzmetshiniń medalmen marapattalǵanyn jazǵan bolatynbyz.

Sondaı-aq Baqyt Alazov tártip pen tárbıeniń áskerı qyzmettiń qos qanaty ispettes ekendigin málim etti.


Bizdiń kanalymyzǵa jazylyńyz:

#Qoǵam   #Ásker  
Bólisińiz:

Avtor:

Eljan Eraly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT