+7 (701) 759 90 19
USD 376.16 EUR 406.18
RUB 5.90 CNY 53.60
Jańalyqtar

Ulttyq ulan jaýyngerleri 100-den asa adamdy qar qursaýynan qutqardy

2020 jylǵy 27 qańtar 17:34
Bólisińiz:
Ulttyq ulan jaýyngerleri 100-den asa adamdy qar qursaýynan qutqardy

NUR-SULTAN. QazAqparat - Ulttyq ulan jaýyngerleri 100-den asa adamdy qar qursaýynan shyǵardy, dep habarlaıdy QazAqparat Ulttyq ulannyń baspasóz qyzmetine silteme jasap.

Uqsas jańalyqtar
Aýyr naýqastanǵan aqmolalyqtardy dárigerge qutqarýshylar jetkizýde Aqmolada 845 adam men 556 kólik qar qursaýynan shyǵaryldy SQO-da jedel qyzmetter birneshe kún kúsheıtilgen rejimde jumys istedi

Arasynda 28 eresek adam, tórt bala jáne bir aıaǵy aýyr áıel bar bir top adamdy ulandyqtar qańtardyń 26-nan 27-ne qaraǵan túni «Nur-Sultan - Shortandy» tasjolynan evakýatsııalady. Túngi saǵat ekiden bastap Ulttyq ulannyń 5573 áskerı bólimi komandıriniń tehnıka jáne qarý-jaraq jónindegi orynbasary podpolkovnık Samat Aıýpov pen eki júrgizýshisi bar ulandyq ekıpaj, sondaı-aq TJ departamentiniń úsh qyzmetkerimen birge jolda qalǵan adamdardy qutqara bastady. Elordaǵa qaıtar jolda olar 20-ǵa jýyq avtokólikti qardan shyǵardy.


«Іshki ister mınıstri jáne Ulttyq ulan Bas qolbasshysynyń buıryǵymen túngi ekide jedel túrde eki kólikpen «Nur-Sultan - Shortandy» tasjolyna jol tarttyq. Qatty boran soqty. Aınala kórinbeı turdy. Alǵashqy kólikti biz qaladan 15 shaqyrymdaı jerde, tańǵy altyda qardan shyǵardyq. Alǵa jyljý qıynǵa soqty. Biz aqyryn júrdik. Barlyǵy 28 adam evakýatsııalandy. Olardyń kóligin qar jaýyp qalǵan. Biz olardy jeke quramdy tasymaldaýǵa arnalǵan jylytqyshpen jabdyqtalǵan «Ýral» avtomobıline otyrǵyzyp, ishetin sý men jyly kıim-keshek berdik», - deıdi Ulttyq ulannyń 5573 áskerı bólimi komandıriniń tehnıka jáne qarý-jaraq jónindegi orynbasary, podpolkovnık Samat Aıýpov.


Qazirgi kezde qutqarylǵandar elordaǵa aman-esen jetkizildi. «Rahmet» saýda úıiniń janyna kelip túsken azamattar jaqyndaryna tapsyryldy.

Qatty jaýǵan qardyń saldaryn joıýǵa «Qaraǵandy-Temirtaý» tasjolyna Ulttyq ulannyń 10 jaýyngeri men eki tehnıkasy tartyldy. Tasjoldyń osy aýmaǵynan 90 adam, onyń ishinde 4 bala men aıaǵy aýyr áıel qutqaryldy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT