+7 (701) 759 90 19
USD 432.23 EUR 506.79
RUB 5.45 CNY 64.44
Jańalyqtar

Ulttyq mýzeıde Abaı beınesi strıt-art stılinde salyndy

2020 jylǵy 22 qyrkúıek 16:32
Bólisińiz:
Ulttyq mýzeıde Abaı beınesi strıt-art stılinde salyndy

NUR-SULTAN. QazAqparat – Uly Abaıdyń 175 jyldyǵyna oraı, Ulttyq mýzeı alańynda aqynnyń beınesi strıt-art stılinde salyndy, dep habarlaıdy QazAqparat tilshisi.

20 sharshy metr bolatyn jańa sýretti mýzeı qabyrǵasynda Qazaq ulttyq óner ýnıversıtetiniń stýdentteri, respýblıkalyq jáne halyqaralyq baıqaý jeńimpazdary Raıymbek Sákenov pen Aıdos Sheker salǵan.


«Uzaq pandemııadan keıin bizdiń mýzeıimiz qaıda jandandy. Sonyń bir kórinisi – búgin ashyq alańdaǵy uıymdastyrylǵan strıt-art perfomansyna jınalyp otyrmyz. Ózderińizge belgili, bıyl uly aqyn Abaıdyń 175 jyldyǵy atalyp ótedi. Onyń qaldyrǵan murasyn nasıhattaýda barlyq quraldardy paıdalanǵymyz keledi. Sonyń biri – qalalyq óner, ıaǵnı strıt-art.

Sondyqtan, Abaıdyń murasyn tek qana kórme alańdarynda emes, mýzeıden tysqary jerde de nasıhattaý jastarǵa onyń murasyn oqyp-bilýge qyzyǵýshylyq týdyraryna senimimiz mol. Jalpy strıt-art óneri álemde, elimizde bar dúnıe. Biraq biz Ulttyq mýzeıdiń syrtqy alańyn alǵash ret paıdalanyp otyrmyz jáne alǵashqysyn Abaıǵa arnap otyrmyz», - dedi QR Ulttyq mýzeıi dırektorynyń orynbasary Aıbar Qasenalın Ulttyq mýzeıde ótken tusaýkeserde.

Óz kezeginde sýretshiler mýraldy salýǵa bir kún jetkilikti ekenin aıtty. Olar Abaıdyń jan dúnıesin, ishki tolǵanystaryn kórsetý úshin qoıý qanyq tústerdi kóbirek qoldanǵan.


«Men Nur-Sultan men Almaty kóshelerindegi 50-den astam nysanda sýret saldym. Strıt-art óner túri retinde AQSh-ta paıda boldy, sodan keıin Eýropada damydy. Sońǵy kezderi bizdiń elde de, ásirese Nur-SUltan, Almaty, Shymkent syndy iri qalalarda keńinen tarap keledi. Sońǵy 5 jylda túrli mýral-festıvalder uıymdastyrylady. Búgingi Abaı beınesi Ulttyq mýzeı qabyrǵasyna 13,5 sharshy metr aýmaqqa (4,5*3) salynady. Bul – Ulttyq mýzeı men sýretshilerdiń ortaq bastamasy. Shamamen 9-10 saǵatta salyp bitiremiz», - dedi sýretshi.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT