Ulttyq qundylyqtardy damytýǵa baǵyttalǵan qarjy kólemin arttyrý kerek - senator
2022 jylǵy 20 mamyr 12:00

Ulttyq qundylyqtardy damytýǵa baǵyttalǵan qarjy kólemin arttyrý kerek - senator

NUR-SULTAN. QazAqparat – Jastardy baspanamen qamtýǵa arnalǵan baǵdarlamalardy elimizdiń barlyq óńirinde júzege asyrý kerek. Bul týraly Senattaǵy jastardy qoldaý taqyrybyna arnalǵan parlamenttik tyńdaýda depýtat Nurtóre Júsip aıtty, dep habarlaıdy QazAqparat tilshisi.

«Elde «7-20-25», «5-10-15» jáne basqa birqatar turǵyn úı baǵdarlamasy bar. Biraq jastardyń baspanaǵy qoly jete bermeıdi. Birinshiden, jastardyń alǵashqy jarna tóleý qabileti tómen. Ekinshiden, paıyzdyq mólsherleme óte joǵary. Osyny tómendetýge nege bolmaıdy? Almaty, Nur-Sultan jáne Shymkent qalalarynda qolǵa alynǵan jastardyń úı alý baǵdarlamasyn ózge óńirlerge de qoldanǵan durys dep esepteımin», - N. Júsip.

Sondaı-aq senator óz sózinde jastardy mádenı-adamgershilikke tárbıeleý máselesine erekshe toqtaldy. Ol parlamenttik tyńdaýlar barysynda aıtylǵan usynystar men usynymdar Úkimet tarapynan qabyldanatynyna senim bildirdi.

«Mádenıet, óner, aqparat salalary osy ýaqytqa deıin qaldyq qaǵıdatymen qarjylandyrylyp keldi. Biz adamnyń janyn baıytatyn osy salalarǵa qarjy bólýge kelgen kezde tizgindi tartyp qalamyz da, onyń aqyry nege ákep soqqan endi kórip otyrmyz. Eldi bútindeýge aqsha salmaı, búlingendi jóndeýge qarajat jumsap otyrmyz ǵoı. Іshki jalpy ónimniń 3 paıyzyn ulttyq qundylyqtardy damytýǵa salsaq, qasiretke urynbaı, qasıetimiz artar edi degen pikirdemin», - dedi depýtat.

Budan buryn habarlanǵandaı, Senat tóraǵasy M. Áshimbaev barlyq reformanyń túpki maqsaty da jastardyń ál-aýqatyn arttyrýǵa ári olardyń damýyna jaǵdaı jasaýǵa arnalǵanyn atap ótti.

Sonymen qatar ol ýnıversıtet bitirgen túlekterge eńbek naryǵynda suranys joq ekenin aıtty.



Uqsas jańalyqtar
Avtor:
Tilshi

Jańalyqtar

MURAǴAT