+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

Ulttyq qor jınaqtaý rejıminen tutyný rejımine ótti – Prezıdent

2021 jylǵy 10 shilde 21:49
Bólisińiz:
Ulttyq qor jınaqtaý rejıminen tutyný rejımine ótti – Prezıdent

NUR-SULTAN. QazAqparat – Memleket basshysy Qasym-Jomart Toqaev Ulttyq qordan respýblıkalyq bıýdjetke transfert kólemi artqanyn jáne shıkizattyq emes kiris kózderin izdeý qajettigin aıtty, dep habarlaıdy QazAqparat tilshisi.

Uqsas jańalyqtar
Qazaqstan men Lıýksembýrg ekonomıkalyq yntymaqtastyqty keńeıtýde Qazaqstandyqtar tamyz aıynda 2,4 myńnan astam altyn quıma satyp aldy Qazaqstandyqtar tamyz aıynda 113 kg altyn quımasyn satyp alǵan

«Búginde Ulttyq qor jınaqtaý rejıminen tutyný rejımine ótti. Jyl saıyn Ulttyq qordan respýblıkalyq bıýdjetke transfert kólemi ósip keledi. 2020 jyly ol bıýdjet kirisiniń 40%-yn qurady. Bıyl bul kórsetkish 36% bolady», - dedi Q. Toqaev.

Prezıdent memlekettik mindettemeler kólemi ósip jatqanyn eske saldy – daǵdarys kezinde bul sózsiz bolady. Orta merzimdi perspektıvada shıkizattyq emes kiris kózderin izdeý qajet.

«Qazirgi ýaqytta eksporttyq kedendik bajdar tek munaı men munaı ónimderine ǵana belgilengen. Birqatar basqa shıkizat pen aralyq taýarlarǵa baǵa konıýnktýrasy jaqsardy. Úkimetke eksporttyq kedendik bajdar qoldanylýy múmkin taýarlardyń tizbesin keńeıtý múmkindigin taldaý tapsyrylady. Bul ishki naryqqa jetkizilimderdi yntalandyrýy múmkin. ıAǵnı qurylys materıaldarynyń baǵasy máselesin, óńdeý ónerkásibin qoljetimdi shıkizatpen júkteý máselesin sheshýge kómektesedi. Usynystar men esepterińizdi daıyndańyzdar, sodan keıin naqty sheshim qabyldanady», - dedi Qasym-Jomart Toqaev.

Aıta keteıik, Memleket basshysy Qasym-Jomart Toqaevtyń tóraǵalymen Úkimettiń keńeıtilgen otyrysy ótti. Prezıdent sóziniń tolyq mátinin myna siltemeden oqýǵa bolady.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT