+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Ulttyq komıssııanyń jumys toby latyn grafıkasyna kóshý máselelerin talqylady

2020 jylǵy 21 tamyz 10:39
Bólisińiz:
Ulttyq komıssııanyń jumys toby latyn grafıkasyna kóshý máselelerin talqylady

NUR-SULTAN. QazAqparat – Qazaq tili álipbıin latyn grafıkasyna kóshirý jónindegi ulttyq komıssııa janyndaǵy Orfografııalyq jumys tobynyń kezekti otyrysy ótti. Bul týraly Sh. Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynan habarlady.

Málim etilgendeı, 20 tamyz kúni QR Mádenıet jáne sport mınıstrligi Til saıasaty komıtetiniń uıymdastyrýymen «Qazaq tili álipbıin latyn grafıkasyna 2025 jylǵa deıingi kezeń-kezeńimen kóshirý jónindegi is-sharalar jospary» aıasynda Qazaq tili álipbıin latyn grafıkasyna kóshirý jónindegi ulttyq komıssııa janyndaǵy Orfografııalyq jumys tobynyń kezekti otyrysy ótti.

QR Mádenıet jáne sport vıtse-mınıstri, Orfografııalyq jumys tobynyń tóraǵasy N.Dáýeshov jańa álipbıdi engizý jáne soǵan sáıkes emle erejelerin jasaý máseleleri tóńireginde aıtty.

«A.Baıtursynuly atyndaǵy Til bilimi ınstıtýtynyń dırektory, fılologııa ǵylymdarynyń kandıdaty A.Fazyljanova jańa álipbı negizindegi qazaq tiliniń emle erejeleri jobasyna orfografııalyq top músheleri men táýelsiz sarapshylardyń qorytyndy saraptamasy boıynsha baıandama jasady. Baıandamashy jumys toby músheleri men táýelsiz sarapshylar tarapynan aıtylǵan syn-pikirlerge ǵylymı dáıekti jaýap berip, olardyń oryndy usynystarynyń eskerilgen tustary týraly baıandady. Emle erejeleriniń meıilinshe ekshelip, ǵalymdar súzgisinen san márte ótkizilip otyrǵanynyń máni – onyń halyq tutynýyna yńǵaıly da jatyq bolýyna yqpal etý ekenin aıtty.

Orfografııalyq jumys toby músheleriniń jáne táýelsiz sarapshylardyń emle erejeleri boıynsha bergen usynystary, pikirleri keń túrde talqylandy», - dep málim etti Sh. Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynan.

Otyrys qorytyndysynda aıtylǵan usynystar men pikirlerdi eskerý jáne latynnegizdi álipbı boıynsha pernetaqta jobasyn áli de pysyqtaý qajettigi sheshildi.

Onlaın-sharaǵa Orfografııalyq jumys toby músheleri, QR Bilim jáne ǵylym mınıstrligi Ǵylym komıteti tóraǵasynyń orynbasarlary Bolat Keńesov pen Azamat Rysjanov jáne táýelsiz sarapshylar qatysty.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT