+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Ulttyq kitaphananyń qory túrik aqyn-jazýshylarynyń eńbegimen tolyqty

2019 jylǵy 20 qarasha 14:05
Bólisińiz:
Ulttyq kitaphananyń qory túrik aqyn-jazýshylarynyń eńbegimen tolyqty

ALMATY. QazAqparat– QR Ulttyq kitaphanasynyń qory túrik aqyn-jazýshylarynyń eńbegimen tolyqty, dep habarlaıdy QazAqparat tilshisi.

«ILESAM» túrik ǵylymı jáne ádebı shyǵarmalar avtorlarynyń kásibı uıymy QR Ulttyq kitaphanasyna túrik tilindegi 5 myń kitapty syıǵa tartty. Uıymynyń bas dırektory Mehmet Nýrı Parmaksyz kórkem ádebıet, proza, poezııa, balalar ádebıeti, anyqtamalyq basylymdar, sózdikter, entsıklopedııalar, sondaı-aq medıtsınalyq, áleýmettik mańyzy bar ǵylymı-tanymal jýrnaldardy tartý etti.







«Bizdiń eldiń ádebı týyndylaryn sizderge úlken qýanyshpen syıǵa tartqymyz keledi. Kitap – bul baǵa jetpes qundy dúnıe. Qazaqstan men Túrkııa baýyrlas memleket. Bizdiń ádebıetimiz, mádenıetimiz óte uqsas. Biz rýhanı jaǵynan da jaqynbyz. Bul kitaptar bolashaq úshin qajet. Keıingi urpaq tarıhty tek kitaptan biledi. Olaı bolsa, bul qundy dúnıeni tek kitaphanalar ǵana jaqsy saqtaı alady. Sondyqtan Túrkııa eli kitapty syıǵa tartý jobasyn ázirledi. Osydan eki kún buryn Nur-Sultan qalasyndaǵy kitaphanaǵa bes myń dana kitap syıladyq. Búgin Almatydaǵy Ulttyq kitaphanaǵa da 5000 kitap ákelip otyrmyz. Bul úrdis áli de jalǵasady»,- deıdi ILESAM» uıymynyń bas dırektory Mehmet Nýrı Parmaksyz.

Óz kezeginde Ulttyq kitaphana dırektory Baqytjamal Ospanova búgingi tańda túrik ádebıeti sektsııasynda kitaptar mol ekenin aıtty.

«Bizdiń kitaphanada alty memlekettiń kitap buryshy bar. Biraq túrik ádebıeti sektsııasynda kitaptar alýan túrli ári basqalarǵa qaraǵanda kóbirek. Jalpy kitaphana qory – 7 mln», - dedi QR Ulttyq kitaphanasynyń dırektory Baqytjamal Ospanova.

«ІLESAM» túrik ǵylymı jáne ádebı shyǵarmalar avtorlarynyń kásibı uıymy 1986 jyly qurylǵan. Negizgi qyzmeti - ǵylym jáne ádebı shyǵarmalar avtorlarynyń, sondaı-aq olardyń muragerleriniń múliktik jáne múliktik emes quqyqtaryn qorǵaý. Túrkııada ár týyndynyń avtory osy birlestiktiń múshesi. ILESAM – ǵylym men ádebıet salasyndaǵy eń iri uıym (3 myńǵa jýyq múshe), onyń músheleri - jazýshylar, aqyndar jáne shet elderdiń shyǵarmashylyq zııalylarynyń kóptegen ókilderi. ILESAM-nyń qyzmeti jyl saıyn halyqaralyq ádebı baılanystardy damytý baǵytyn ustana otyryp, kóptegen aımaqtar men adamdardy qamtýda.

Bizdiń kanalymyzǵa jazylyńyz:

Basty sózder: Almaty, Ádebıet, Túrki elderi, Aımaq,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT