+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Ulttyq keńes músheleri Soltústik Qazaqstan oblysynda boldy

2021 jylǵy 1 maýsym 22:55
Bólisińiz:
Ulttyq keńes músheleri Soltústik Qazaqstan oblysynda boldy

NUR-SULTAN. QazAqparat – Ulttyq qoǵamdyq senim keńesiniń músheleri 1 maýsymda Soltústik Qazaqstan oblysynda boldy. Bul týraly QR Prezıdentiniń kómekshisi Erlan Qarın jelidegi paraqshasynda jazdy, dep habarlaıdy QazAqparat.

«Ulttyq qoǵamdyq senim keńesiniń bir top músheleri Rauan Kenzhekhan, Marat Shıbýtov, Gýlmıra Ileýova, Andreı Chebotarev Soltústik Qazaqstan oblysynda qoǵam ókilderimen kezdesip, Prezıdent bastamalaryn júzege asyrý barysyn talqylady. Sapar barysynda Ulttyq keńes músheleri oblystyń qoǵamdyq keńes múshelerimen kezdesip, eldi-mekenderdi ınfraqurylymdyq nysandarmen, sý júıesimen qamtamasyz etý, ishki jáne syrtqy kóshi-qon, sondaı-aq, qoǵam ókilderi men jergilikti organdardyń ózara qarym-qatynas máselelerin talqylady», - dep jazdy E. Qarın.

​Sonymen qatar, Ulttyq keńes músheleri Qyzyljar jáne Mamlıýt aýdandaryna bardy. Qyzyljar aýdanynda ótken aýyldyq okrýg ákimderimen kezdesýde aýyl ákimderin tikeleı saılaý naýqanyna daıyndyq barysy, aýdannyń aýyldyq okrýgterin damytý máseleleri sóz boldy.

«Budan bólek, Ulttyq keńes músheleri Peterfeld aýylynda ornalasqan «Qyzyljar Abaı orta mektebine» bardy. Mektep kúrdeli jóndeýden ótip, zaman talabyna saı jabdyqtalǵan. Sondaı-aq, munda bilim berý mazmuny men ádisteri qaıta qarastyrylyp, ustazdarǵa qoldaý kórsetýdiń jáne olardy yntalandyrýdyń tyń tásilderi ázirlengen.

Ulttyq keńes músheleri Mamlıýt aýdanynda elimizdiń ońtústiginen soltústikke kóshirý bastamasy aıasynda qonys aýdarǵan aýdan turǵyndarymen kezdesti. Olar Soltústik Qazaqstan oblysyna qalaı kóship kelgendigi týraly tájirıbesin ortaǵa saldy. Kezdesýdiń qorytyndysy boıynsha keńes músheleri ishki kóshi-qon máselelerin Ulttyq keńestiń jumysy aıasynda muqııat qarastyrýdy ýaǵdalasty.

Ulttyq keńes músheleri oblystaǵy sarapshylarmen jáne ǵalymdarmen de júzdesti. Kezdesýde bilim berý, óńirlik ǵylymı zertteýler júrgizý ádis-tásilderi, ǵalymdardyń bıznes jáne memlekettik organ ókilderimen baılanys máseleleri áńgimege ózek boldy.

Stýdenttermen jáne jastar birlestikteriniń belsendilerimen ótken kezdesýde bilim alý úshin kóship kelý, jastardy jumyspen qamtý jáne olarǵa qoldaý kórsetetin jobalardy júzege asyrý máseleleri talqylandy.

Sapar barysynda Ulttyq keńes músheleri qoǵam ókilderine, ǵalymdar men jastarǵa Prezıdent bastamalaryn júzege asyrý barysyn áńgimelep berdi. Sonyń ishinde, saılaý zańnamasyna engizilgen tyń ózgerister týraly aıtty.

Ulttyq qoǵamdyq senim keńesi músheleriniń óńirlerge issapary jalǵasady. Aldaǵy ýaqytta Qaraǵandy oblysyna barý josparlanyp otyr», - dep tolyqtyrdy QR Prezıdentiniń kómekshisi.



Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT