+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Ulttyq keńes: Aımaǵambetov JOO qurylymynyń ózgertilýine qatysty pikir bildirdi

2020 jylǵy 22 qazan 15:36
Bólisińiz:
Ulttyq keńes: Aımaǵambetov JOO qurylymynyń ózgertilýine qatysty pikir bildirdi

NUR-SULTAN. QazAqparat –Prezıdenttiń tapsyrmasymen memlekettik ýnıversıtetter kommertsııalyq emes aktsıonerlik qoǵamdar formasyna aýysqanymen, jekeshelendirilmeıdi jáne memleket menshiginde qalady. Bul týraly QR Bilim jáne ǵylym mınıstri Ashat Aımaǵambetov Facebook-tegi paraqshasynda jazdy, dep habarlaıdy QazAqparat tilshisi.

«Ulttyq qoǵamdyq senim keńesi otyrysynda Memleket basshysy ulttyq jáne memlekettik joǵary oqý oryndaryn tek memleket menshiginde qaldyrý týraly tapsyrma berdi.

Qazirgi ýaqytta memlekettik joǵary oqý oryndary kommertsııalyq emes aktsıonerlik qoǵamǵa aınaldy. Qurylymnyń ózgerýinen keıin el ishinde sol ýnıversıtetterdiń jekemenshikke satylýy múmkin degen kúdik paıda boldy.

Prezıdent memlekettik joǵary oqý oryndarynyń satylmaıtyny týraly naqty aıtty. Bul – óte mańyzdy.

Sebebi sol JOO-larda elimizdegi stýdentterdiń 40% oqıdy jáne 35 myńnan astam oqytýshy men qyzmetker jumys isteıdi.

Olardyń basym bóligi XX ǵasyrdyń 30-40 jyldary quryldy jáne tarıhı turǵydan da elimizdiń basty salalyq joǵary oqý oryndary bolyp tabylady», - dedi mınıstr.

A.Aımaǵambetov atap ótkendeı, ál-Farabı atyndaǵy QazUÝ, Satbayev University (Q. Sətbaev atyndaǵy QazUTZÝ) jáne Abaı atyndaǵy QazUPÝ sııaqty joǵary oqý oryndary elimizde bilim berý júıesi, ǵylymı jáne ınnovatsııalyq áleýeti jaǵynan aldyńǵy qatarda.

«Sonymen birge memleket joǵary bilim salasyndaǵy jeke sektorǵa da aıtarlyqtaı qoldaý kórsetip keledi. Sebebi qazirgi ýaqytta joǵary oqý oryndarynyń 50% jekemenshik bolyp tabylady.

Rasynda memlekettik JOO-ny jekeshelendirý otandyq bilim berý júıesiniń, ǵylymı-zertteý jáne ınnovatsııalyq qyzmetiniń tutastyǵyna orny tolmas zııan keltirip, ýnıversıtetterdiń múliktik kesheniniń buzylýyna da sebep bolýy múmkin.

Osylaısha, Prezıdenttiń tapsyrmasy boıynsha memlekettik ýnıversıtetter kommertsııalyq emes aktsıonerlik qoǵamdar formasyna aýysqanymen, jekeshelendirilmeıdi jáne memleket menshiginde qalady.

Bul rette, olar akademııalyq turǵyda áldeqaıda erkin jáne qoǵam aldynda esep berip, barynsha ashyq jumys isteı alady», - dep túıindedi Bilim mınıstri.

Eske salaıyq, búgin Ulttyq qoǵamdyq senim keńesiniń 4-otyrysynda Memleket basshysy Qasym-Jomart Toqaev elimizde memlekettik jáne ulttyq joǵary oqý oryndary satylmaıtynyn atap ótti.

«Meniń tapsyrmama sáıkes, joǵary oqý oryndarynyń qurylymyn ózgertý jumystary júrgizilýde. Kóptegen joǵary oqý orny kommertsııalyq emes aktsıonerlik qoǵamǵa aınaldy. Bul el ishinde ártúrli áńgime týǵyzýda. Sondaı-aq biri memlekettik joǵary oqý oryndary keıinnen jekemenshikke satylýy múmkin degen de kúdik bar. Osyǵan oraı memlekettik jáne ulttyq joǵary oqý oryndary satylmaıtyny jóninde málimdeımin», - dedi Prezıdent.


Bizdiń kanalymyzǵa jazylyńyz:

Bólisińiz:

Avtor:

Mıra Tólendiqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT