+7 (701) 759 90 19
USD 377.29 EUR 418.41
RUB 6.09 CNY 54.66
Jańalyqtar

Ulttyq keńes áleýmettik máselelerdi nazarda ustaıdy – Murat Ábenov

2019 jylǵy 17 shilde 18:58
Bólisińiz:
Ulttyq keńes áleýmettik máselelerdi nazarda ustaıdy – Murat Ábenov

NUR-SULTAN. QazAqparat – Qoǵam qaıratkeri Murat Ábenov Ulttyq qoǵamdyq keńestiń jumysy saıası máselelermen ǵana shektelmeý kerek degen pikirde. Bul týraly ol ortalyq kommýnıkatsııalar ortalyǵynda ótken brfıng barysyndaı aıtty, dep habarlaıdy QazAqparat tilshisi.

Uqsas jańalyqtar
Jánibek Qojyq: Sheteldik jumys kúshine kvota qysqarsa, eldegi jumyssyzdar sany da azaıady Bılik qoǵammen dıalogqa, reformaǵa múddeli bolyp otyr – Aqserik Áıtimov Aıkúmis Dosanova: Parlamenttik oppozıtsııa zańnyń durystyǵyna septigin tıgizedi

«Keńestiń qurylýynyń qajettigin bárimiz túsinip otyrmyz. Jańa ǵana keńestiń quramyn qarap shyqtym. Maǵan ár túrli saladan, ár túrli saıası partııalardan ókilder bar bolǵany unady. Meniń oıymsha, bul uıym anda-sanda, 2-3 aıda bir ret resmı jıyn ótkizetin resmı joldan tartynyp, qoǵamdaǵy eń ózekti máselelerdi talqylaıtyn alań bolýy kerek. Keńestiń jumys tóńireginde tek qana saıası máseleler emes, áleýmettik máseleler de talqylanatyny unady. Bul bizge memlekettik baǵdarlamalardy saraptap, taldap, usynys berip, kemshilikter bolsa birden aıtyp, problemanyń ýshyǵyp, kúsheıip ketýine jol bermeı, der kezinde durys usynystar jasaýǵa múmkindik beredi», - dedi ol.

Qoǵam qaıratkeri belsendi azamattardyń oı-pikiri memlekettik organdar tarapynan eskerilmeı jatqanyn aıtady.

«Qazir bizdiń azamattar óte belsendi. Biraq, ókinishke oraı, memlekettiń organdarynyń basshylarymen tikeleı baılanys jasaýǵa kóbiniń múmkindigi joq. Keıbir mınıstrlik ashyq, jarııaly túrde jumys istese, keıbir memlekettik organdardyń basshylary jabyq jumys júrgizedi. Meniń oıymsha, keńes músheleri el aldyndaǵy jaýapkershiligin túsine otyryp, osy keńestiń ókilettiligin paıdalanyp, óz salalary boıynsha kóptegen kúrdeli máselelerdiń tıimdi sheshilýine atsalysýy kerek», - deıdi ol.

Murat Ábenov qazir kóptegen ózekti máseleler tek áleýmettik jeli alańynda ǵana aıtylyp kele jatqanyn da tilge tıek etti.

«Kóp azamattar máselelerin qaıda aıtaryn bilmeı, áleýmettik jelimen shektelip júrgen edi. Memlekettik baǵdarlamalardyń tıimsizdigin memleket basshysy da synady. Kóbinese baǵdarlamalardy talqylaý jabyq túrde, mınıstrlik janynda ǵana ótedi. Sondyqtan, oǵan qatysty syn áleýmettik jeli deńeıinde ǵana qalyp keldi. Qoǵamdyq keńesterdiń jumysynda bul qarastyrylǵanymen, olardyń mınıstrlik janynan qurylǵanyn umytpaý kerek. Bul keńes tek máselelerdi talqylap qana qoımaı, eldegi pikirtalasty taldaıtyn bolady», -dedi qoǵam qaıratkeri.

Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT