+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Ulttyq qaýipsizdiktiń jańa strategııasy negizgi syn-qaterlerge nazar aýdarady - Manarbek Qabazıev

2021 jylǵy 22 maýsym 00:36
Bólisińiz:
Ulttyq qaýipsizdiktiń jańa strategııasy negizgi syn-qaterlerge nazar aýdarady - Manarbek Qabazıev

NUR-SULTAN. QazAqparat – Ulttyq qaýipsizdiktiń jańa strategııasy aldaǵy bes jylda kútiletin negizgi syn-qaterlerge nazar aýdarady. «Syrtqy saıası zertteýler ınstıtýty» AQ Basqarma tóraǵasynyń orynbasary Manarbek Qabazıev osyndaı pikir bildirdi, dep habarlaıdy QazAqparat tilshisi.

Sarapshynyń aıtýynsha, QR Ulttyq qaýipsizdiginiń 2021-2025 jyldarǵa arnalǵan jańa strategııasynda álemde bolyp jatqan jáne Qazaqstannyń múddeleri turǵysynan ózekti barlyq ózgerister kórinis tapqan.

«Qazaqstan Respýblıkasynyń 2021-2025 jyldarǵa arnalǵan Ulttyq qaýipsizdik strategııasynda Tuńǵysh Prezıdent bıylǵy aqpanda Qaýipsizdik Keńesiniń otyrysynda belgilegen ulttyq múddelerdi qorǵaýdyń tujyrymdamalyq, jańartylǵan tásilderi bar. Strategııa aldaǵy bes jylda kútiletin negizgi synaqtarǵa nazar aýdarady. Qazir de kóptegen elder aımaqtyq jáne ishki jaǵdaılardyń ózgerýine qaraı, ózderiniń ulttyq qaýipsizdik strategııalaryn qaıta qarap jatyr», - dedi M. Qabazıev.

Sarapshynyń aıtýynsha, Strategııa ótken jyly bastalǵan koronavırýs pandemııasyn jáne jalpy bıologııalyq qaýipsizdik máselelerin jalǵastyrýdy kózdeıdi. Sondaı-aq Strategııada áleýmettik salanyń, aqparattyq qaýipsizdiktiń, kıberqaýipsizdiktiń asa mańyzdy máseleleri kórsetilgen. Qujatta álemdik naryqtardaǵy daǵdarys oqıǵalary, onyń ishinde qarjylyq qubylystar jáne olardyń Qazaqstan ekonomıkasyna áseri eskerilgen.

M.Qabazıev atap ótkendeı, qujatta azamattardyń, qoǵam men memlekettiń qaýipsizdigi birinshi orynǵa qoıylǵan. Ulttyq qaýipsizdiktiń jańa strategııasyn qabyldaý – eń aldymen, adamı kapıtaldyń qaýipsizdigin qamtamasyz etýdi kózdeıtin ýaqytyly jáne mańyzdy qadam boldy. Ekologııalyq qaýipsizdik máselelerine erekshe nazar aýdarylǵan.

«Sonymen birge, osyndaı deńgeıdegi qujattarda qorǵanys qabileti máselelerine árqashan birinshi kezekte mán beriledi. Jańa strategııada jańa óńirlik jáne jahandyq syn-qaterler, onyń ishinde gıbrıdtik jáne assımetrııalyq synaqtar da kórinis tapqan», - deıdi sarapshy.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT