+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Ulttyq ekonomıka mınıstri munaı baǵasyna túsinik berdi

2020 jylǵy 29 qazan 10:40
Bólisińiz:
Ulttyq ekonomıka mınıstri munaı baǵasyna túsinik berdi

NUR-SULTAN. QazAqparat – Parlament Senatynyń jalpy otyrysynda Ulttyq ekonomıka mınıstri Rýslan Dálenov 2020 jylǵa arnalǵan naqtylanǵan áleýmettik-ekonomıkalyq damý boljamyn baıandady, dep habarlaıdy QazAqparat tilshisi.

Boljamdy naqtylaýynyn negizgi faktorlary mynalar: bul – 2019 jylǵy jalpy ishki ónim boıynsha ózektendirilgen eseptik derekter, bıylǵy jyl basynan bergi jedel derekter, munaı óndirýdiń josparyn túzetý, sondaı-aq álemdik naryqtaǵy munaıdyń baǵalanýy.

«ıAǵnı, 2019 jylǵy ózektendirilgen jalpy ishki ónim kólemi 0,9 trln teńgege artyp, 69,5 trln teńgeni qurady. Bul aǵymdaǵy jylǵy boljamdy esepteý bazasyn ulǵaıtty. Sonymen birge, boljamda ekonomıkanyń naqty sektoryndaǵy, qyzmet kórsetý salasyndaǵy úrdisteri men munaı baǵasynyń konıýnktýrasy eskerildi. Álemdik ekonomıka ósimi Halyqaralyq uıymdardyń konsensýs-boljamy boıynsha bıyl mınýs 5 paıyzdy quraıdy, al 2021 jylda ósim kútilýde», - dedi mınıstr.

Onyń sózine qaraǵanda, halyqaralyq uıymdar Qazaqstan ekonomıkasynyń naqty ósimin bıylǵy mınýs 2,3 paıyzdan mınýs 2 paıyz aralyǵynda baǵalaıdy. Kelesi jylǵa turaqty ósimdi boljap otyr.

«Ekonomıka sektorlarynyń aǵymdaǵy úrdisterin eskere otyryp, bizdiń baǵalaýymyz boıynsha, 2020 jylǵy naqty jalpy ishki ónimniń ósimi mınýs 2,1 paıyzdy quraıdy. 2020 jyly nomınaldy jalpy ishki ónim 69,8 trln teńge kóleminde baǵalanýda. Ol buryn naqtylanǵan kórsetkishten 102 mlrd teńgege joǵary. Bul 2019 jylǵy bazalyq kórsetkishterdiń ósýimen baılanysty», - dedi R. Dálenov.

Onyń aıtýynsha, munaıdyń eseptik baǵasyn eskere otyryp, boljamdyq baǵany 20 dollardan 40 dollarǵa deıin arttyrý usynylady. Qańtar-qyrkúıekte munaıdyń ortasha baǵasy bir barrelge 42 dollardy qurady. Naqtylanǵan jospar boıynsha munaı óndirý kólemi 85 mln tonnany quraıdy. Taýarlar eksporty 45,5 mlrd dollarǵa deıin artady, ımport 33,8 mlrd dollardy quraıdy. Osylaısha, oń saýda teńgerimi 3,2 mlrd-qa ulǵaıyp, 11,7 mlrd dollar kóleminde boljanýda», - dedi vedomstvo basshysy.


Bizdiń kanalymyzǵa jazylyńyz:

#Senat   #Ekonomıka   #Munaı  
Bólisińiz:

Avtor:

Rýslan Ǵabbasov

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT