+7 (701) 759 90 19
USD 387.14 EUR 428.18
RUB 6.06 CNY 55.23
Jańalyqtar

Ulttyq biliktilik testi: Muǵalimder metall izdegishpen tekserilmeıtin boldy

2019 jylǵy 21 qazan 15:38
Bólisińiz:
Ulttyq biliktilik testi: Muǵalimder metall izdegishpen tekserilmeıtin boldy

NUR-SULTAN. QazAqparat - QR Bilim jáne ǵylym mınıstri Ashat Aımaǵambetov pedagogtardyń Ulttyq biliktilik testin tapsyrý protsesine engizilgen ózgeristerdi baıandady, dep habarlaıdy QazAqparat tilshisi.

«Ulttyq biliktilik testin tapsyrý qıyn, onyń qajeti joq» degen pikirdi jıi estımin. Búginge deıin synaq tapsyrǵan áriptesterimizdiń 67 paıyzy testileýden ótip, sanattaryn kóterdi. Bul sanattar úshin eńbekaqyny 30-50 paıyzǵa deıin kóterýge bolady. Oǵan deıin joǵary sanat, birinshi sanat úshin muǵalimderge 17 myń teńgeden aspaıtyn ústemeaqy tólenetin. ıAǵnı, jańa júıedegi ústemeaqy aıtarlyqtaı kóp», - dep atap ótti mınıstr búgin Ortalyq kommýnıkatsııalar qyzmetinde ótken baspasóz máslıhatynda.

Sonymen birge, vedomstvo basshysy Ulttyq biliktilik testinde ózekti máselelerdiń bar ekenin de jasyrmady.

«Qazirgi ýaqytta pedagog kezekti sanatty qorǵaý úshin mektep dırektoryna ótinish jazýy tıis. Mektep dırektory – bilim basqarmasyna, basqarma – mınıstrlikke júginetin kúrdeli bıýrokratııalyq júıe paıda boldy. Osyǵan baılanysty, kelesi jyly jańa júıege kóshemiz. Onda pedagog Elektrondyq úkimet arqyly testileýge tikeleı ótinim bere alady. Jeke kabınetinde test tapsyrýǵa qaı kún yńǵaıly ekenin kórsete alady», - dedi A. Aımaǵambetov.

Odan bólek, mınıstrdiń aıtýynsha, Ulttyq biliktilik testine keletin muǵalimder egjeı-tegjeıli tekserilmeıdi.

«Testileýge qatysatyn muǵalimderdi tekserý jóninde biraz syn aıtyldy. Árıne, bul protsess júıkege tıedi. Sondyqtan, áriptesterimizge senim artýdy uıǵardyq. Bıylǵy qarasha aıynan bastap, testileýge kelgen pedagogtar tekserilmeıdi. ıAǵnı, eshqandaı metall izdegish bolmaıdy. Muǵalimder emin-erkin óz ornyna jaıǵasady. Biraq, qandaı da bir pedagog tyıym salynǵan quralmen, uıaly telefonmen kózge tússe, onyń qoldaný-qoldanbaýyna qaramastan, test nátıjesi joıylady», - dep eskertti Bilim jáne ǵylym mınıstri.

Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT