Ulttyq banktiń atyn jamylǵan alaıaqtar kóbeıgen
2022 jylǵy 19 tamyz 17:47

Ulttyq banktiń atyn jamylǵan alaıaqtar kóbeıgen

NUR-SULTAN. QazAqparat – Qazirgi kezde Qazaqstan Ulttyq banki ózderin ınvestıtsııalyq kompanııa retinde tanystyratyn alaıaq toptar kóbeıgen. Bul týraly QazAqparat Banktiń baspasóz qyzmetine silteme jasap habarlaıdy.

Qaskóıler túli saıt quryp, jarnamalyq rolıkter, sondaı-aq, qurylǵyǵa qondyryp alýdy usynatyn mobıldi qosymshalar jasaýǵa beıimdelgen.

Alaıaqtyqpen aınalysatyn mundaı resýrstar ekinshi deńgeıli banktermen, Ulttyq bankpen nemese basqa da memlekettik organdarmen ázirlengen jeke tulǵalardyń qarajatyn basqarýǵa salý sekildi baǵdarlamalarǵa qatysýǵa úndeıdi.

«Ulttyq bank jeke tulǵalardyń shotyna qyzmet kórsetpeıdi, aqshalaı esep aıyrysýlar men mámileler jasaspaıdy, sol sııaqty tabys tabýǵa negizdelgen qandaı da bir platformalardy ázirleýge qatyspaıdy.

Alaıaqtardyń saıtynda ótinish qaldyrǵan kez kelgen ınternet-qoldanýshy aqshasynan aıyrylatyndaı táýekelge barady: alaıaqtar onyń jeke derekterin qolǵa túsiredi, telefon arqyly habarlasyp, aqshany óz rekvızıtterine aýdaryp alýdyń aılasyna kirisedi. Al, olardyń qolyna túsken qarajatty keri qaıtarý protsedýrasy uzaq ta kúrdeli bolady, al keı jaǵdaıda qaıtpaı qalyp jatady. Sóıte tura, salynǵan sommany keri qaıtarý úshin alaıaqtar qoldanýshyny qosymsha aqsha salýǵa taǵy májbúrleýi múmkin», - delingen habarlamada.

Alaıaqtardy qalaı anyqtaýǵa bolady:

· ondaı saıttar az ýaqyt ishinde ınvestıtsııadan kóp ári turaqty paıda tabýǵa kepildik beredi;

· qandaı da bir baılanys deregi bolmaıdy;

· resmı memlekettik tulǵalardyń, memlekettik organdar men ulttyq kompanııa basshylarynyń fotosýretteri men oıdan qurastyrylǵan málimdemeleri keltiriledi; jalǵan lıtsenzııalardy nemese quqyq belgileıtin qujattardy paıdalanady;

· memlekettik organdardyń, ekinshi deńgeıli bankterdiń nemese ulttyq kompanııalardyń logotıpteri men ataýlary shyn bolýy múmkin. Alaıda, ol zańdy tulǵalardyń, onyń ishinde Ulttyq Banktiń mundaı alaıaqtardyń platformasyna qatysy joq.

Jarııalanǵan aqparatty, syrttan túsetin suraýlardy nemese qandaıda da bir áreketke qoıylatyn talaptardy tekserý úshin qarjy ınstıtýtynyń nemese banktiń resmı nómirine qońyraý shalý kerek, al kúmán kúsheıgen jaǵdaıda qarjy mekemesine baryp, onyń qyzmetkerimen sóılesý kerek.

Aktıvterdi ınvestıtsııalyq basqarýǵa lıtsenzııasy bar uıymdardyń tizimi Qazaqstan Respýblıkasy Qarjy naryǵyn retteý jáne damytý agenttiginiń resmı saıtynda jarııalanǵan.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT