+7 (701) 759 90 19
USD 426.39 EUR 504.16
RUB 5.87 CNY 66.28
Jańalyqtar

Ulttyq banktiń altyn valıýta rezervi 35,1 mlrd dollarǵa jetti

2021 jylǵy 13 shilde 15:00
Bólisińiz:
Ulttyq banktiń altyn valıýta rezervi 35,1 mlrd dollarǵa jetti

ALMATY. QazAqparat - Ulttyq bank tóraǵasynyń orynbasary Álııa Moldabekova maýsym aıyndaǵy halyqaralyq rezervterdiń jáne ulttyq qordyń valıýta aktıvteriniń dınamıkasy men ınvestıtsııalyq kirisi týraly aıtty, dep habarlaıdy QazAqparat tilshisi.

«Aldyn ala derekter boıynsha, altynvalıýta rezervteri bir aıda 1,4 mlrd AQSh dollaryna tómendep, bıylǵy jylǵy 30 maýsymda shamamen 35,1 mlrd AQSh dollaryn qurady. AVR qysqarýynyń basty sebebi AQSh dollarynyń nyǵaıýyna baılanysty altyn baǵasynyń tómendeýi boldy. Maýsymda metall baǵasy bir ýntsııa úshin 1892 dollardan 1758 dollarǵa deıin nemese 7%-ǵa tómendedi, bul 2015 jylǵy qarashadan beri bir aıda altyn qunynyń qatty túskenin kórsetedi. Nátıjesinde altyn portfelin teris qaıta baǵalaý 1,4 mlrd AQSh dollaryn qurady»,-deıdi Álııa Moldabekova.

Onyń aıtýynsha, rezervterdegi altynnyń úlesi 62% bolady, sondyqtan rezervterge altynnyń álemdik baǵasy áser etedi.

Altynnyń baǵasy qubylmaly bolyp qala beredi, mysaly, naýryzda baǵalar ýntsııa úshin 1683 dollar deńgeıine jetip, mamyrdyń basynda 1950 dollarǵa deıin qalpyna keldi.

«Baǵasynyń kúrt tómendeýinen altyn portfeliniń bir bóligin hedjırleý úshin buryn Ulttyq bank jasaǵan optsıondardy oryndaý sheńberinde altyn qazirgi deńgeıinen asatyn qolaıly baǵamen 1,5 mlrd AQSh dollaryna ótkizildi. Erkin konvertatsııalanatyn valıýtadaǵy aktıvter negizinen optsıondyq strategııalar sheńberinde allokırlenbegen altyndy ótkizý esebinen 1,5 mlrd AQSh dollaryna deıin ósti»,-deıdi spıker.

Ulttyq qordyń valıýtalyq aktıvteri shuǵyl derekter boıynsha bir aıda 1,1 mlrd AQSh dollaryna tómendep, maýsymda 57,5 mlrd AQSh dollaryn qurady.

«Ótken aıda Ulttyq qordyń valıýtalyq aktıvteriniń tómendeýi respýblıkalyq bıýdjetke kepildik berilgen jáne nysanaly transfertter bólýge baılanysty. Aldynda atap ótkenimdeı, transfert boıynsha ótinimderdi oryndaý úshin 1,093 mlrd AQSh dollaryna valıýtalyq aktıvter satyldy»,-dedi Ulttyq bank ókili.

Bul rette maýsymda qorǵa túsken túsim kólemi shetel valıýtasyndaǵy 189 mln AQSh dollaryn qosa alǵanda, nebári 97 mlrd teńge boldy.

Aktıvterdi basqarý tıimdiligin arttyrý jónindegi uzaq merzimdi strategııa sheńberinde Ulttyq bank aktıvterdiń neǵurlym kiristi synyptarynyń, onyń ishinde aktsııalardyń, korporatıvtik oblıgatsııalardyń jáne damýshy naryqtaǵy eýrooblıgatsııalardyń úlesin ósirýde.

Nátıjesinde, Ulttyq qordyń 2021 jylǵy birinshi jartyjyldyqtaǵy ınvestıtsııalyq kirisi oń qalyptasty jáne kóbinese aktsııalardyń jahandyq naryǵynyń ósýi esebinen 1,5 mlrd AQSh dollaryn nemese 2,5%-dy qurady.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT