+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Ulttyq banki 2020 jylǵy ınflıatsııa boljamyn qaıta qarady

2020 jylǵy 8 maýsym 16:34
Bólisińiz:
Ulttyq banki 2020 jylǵy ınflıatsııa boljamyn qaıta qarady

ALMATY. QazAqparat – Ulttyq bank 2020 jylǵy ınflıatsııa boljamyn qaıta qarady, dep habarlaıdy QazAqparat tilshisi.

Ulttyq banktiń baspasóz qyzmetiniń habaraýynsha, jyldyq ınflıatsııa 2020-2021 jyldarǵa belgilengen nysanaly dálizden 4-6% joǵary bolyp qalyptasady. 2020 jylǵy mamyrda jyldyq ınflıatsııa 6,7% (2020 jylǵy sáýirde 6,8%) boldy.

«Inflıatsııalyq protsester Qazaqstanda jáne saýda áriptes elderinde karantın sharalarynyń yqpalymen, sondaı-aq teńge baǵamynyń álsireýi jáne ony ishki baǵalarǵa kóshirý arqyly qalyptasady»,– dep habardady Ulttyq bank.

Ulttyq baktiń málimetinshe, ınflıatsııalyq protsester serpinine 2016 jylǵy qazannan bastap eń joǵary mánge qol jetkizip, mamyrda jyldyq kórsetýde 10,7%-ǵa qymbattaǵan azyq-túlik taýarlaryna baǵanyń ósýi negizgi úles qosýyn jalǵastyrýda. Azyq-túlik ınflıatsııasyn jedeldetý karantın sharalaryn saqtaǵan jaǵdaıda shıkizat pen ónimdi jetkizý tizbeginiń buzylýy nátıjesinde jekelegen taýarlarǵa degen joǵary suranysqa, sol sııaqty shekteýli usynysqa da baılanysty boldy. Azyq-túlik emes ınflıatsııa serpini qalypty kúıin saqtap, jyldyq ósim 5,3% boldy.

«Ulttyq Bank aǵymdaǵy jyldyń sońyna deıin ınflıatsııa boıynsha boljamdy qaıta qarady. Qazaqstan Respýblıkasynyń 2020-2024 jyldarǵa arnalǵan áleýmettikekonomıkalyq damý boljamyn ázirleý sheńberinde munaı baǵasynyń stsenarııin barreline 20-25 AQSh dollarynda boljap, Úkimet daǵdarysqa qarsy jospardyń maqsattary úshin bazalyq retinde qaraǵan ınflıatsııa aǵymdaǵy jyldyń sońyna qaraı 9-11% deńgeıinde baǵalandy. Munaı naryǵy boıynsha naqtylanǵan baǵalaýlarǵa jáne 2020 jyly orta eseppen bir barrel úshin 35-40 dollar deńgeıinde munaı qunyn boljaıtyn Ulttyq Banktiń bazalyq stsenarııine sáıkes jyldyq ınflıatsııa 2020 jyldyń qorytyndysy boıynsha 8,0-8,5% deńgeıinde boljanýda»,– delingen habarlamada.

Naýryzda COVID-19 pandemııasymen kúresý úshin elde tótenshe jaǵdaı men karantın sharalaryn engizý ekonomıkalyq belsendiliktiń aıtarlyqtaı nasharlaýyna sebep boldy. UEM SK derekteri boıynsha, 2020 jylǵy qańtar-sáýirde kóterme jáne bólshek saýda kóleminiń sáýirde 34,8%-ǵa, kólik qyzmetteriniń – 36,6%-ǵa tómendeýi nátıjesinde ІJÓ jyldyq kórsetýde 0,2%-ǵa qysqardy. Syrtqy jáne ishki suranystyń tómendeýi aıasynda óńdeýshi ónerkásiptiń jekelegen sektorlarynda iskerlik belsendiliktiń baıaýlaýy baıqaldy. Bul rette, qyzmetkerlerdi qashyqtyqtan jumysqa aýdarý jáne onlaın-oqytýdy engizý baılanys qyzmetteri, jetkizý qyzmetteri kóleminiń ósýine alyp keldi.

2020 jyly Qazaqstannyń saýda áriptes elderiniń ósý perspektıvalary boıynsha baǵalar teris bolyp qalýda. Consensus Economics boljamdaryna sáıkes, 2020 jyly EO ekonomıkasy 7,7%-ǵa, Reseı 4,1%-ǵa qysqarady, Qytaı ekonomıkasy 1,4%-ǵa deıin baıaýlaıdy. 2021 jyly barlyq áriptes elderde kórsetkishterdiń kúrt qalpyna kelýi kútilýde, atap aıtqanda, EO ekonomıkasy 6,2%-ǵa, Reseı ekonomıkasy 3,8%-ǵa, Qytaı ekonomıkasy 8,1%-ǵa ósedi.

Munaı naryǵyndaǵy ahýal birtindep jaqsaryp keledi, alaıda baǵa deńgeıi birshama tómen, al baıqalǵan serpin áli de turaqsyz. Brent markaly munaıdyń ortasha aılyq baǵasy 2020 jylǵy mamyrdyń qorytyndysy boıynsha bir aıda 20,7%-ǵa óskenin kórsetip, bir barrel úshin 32,4 AQSh dollaryn qurady.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT