Ulttyq bank valıýta naryǵy týraly: Maýsym aıynda valıýtalyq óktemdik júrgizilgen joq
2022 jylǵy 24 maýsym 18:06

Ulttyq bank valıýta naryǵy týraly: Maýsym aıynda valıýtalyq óktemdik júrgizilgen joq

NUR-SULTAN. QazAqparat - Maýsym aıynyń basynan bastap Ulttyq bank altyn-valıýta rezervteri esebinen aıyrbas baǵamyna yqpal etý maqsatynda saýda-sattyqqa qatysqan joq, ıaǵnı, ınterventsııa júrgizgen joq.

Bul týraly QR Ulttyq bankiniń Monetarlyq operatsııalar departamenti dırektorynyń orynbasary Ivan Serdıýk túsindirmesinde aıtylǵan, dep habarlaıdy QazAqparat.

«Ádettegideı, maýsymda júrgizilgen valıýta naryǵyndaǵy operatsııalar boıynsha aqparatty, ıaǵnı, altyn-valıýta aktıvteri bolsyn, Ulttyq qor nemese BJZQ bolsyn, biz kelesi aıdyń birinshi jumys kúninde jarııalaımyz.

Sonymen qatar, bıýdjetke transfertterdi júzege asyrý úshin Ulttyq qor atynan shetel valıýtasy satyldy, maýsym aıynyń basynan beri onyń kólemi 408 mln AQSh dollaryn qurady. Sondaı-aq, sarapshylardyń nazaryn teńgeniń qubylmaly aıyrbas baǵamy máselesine aýdarsaq deımin»,-deıdi Ulttyq bank ókili.

Sondaı-aq ol sózinde naýryzdan bastap teńge baǵamynyń qubylmalylyǵy 1,2%-ǵa baǵalanyp kelgenin aıtty.

«Salystyrmaly túrde alǵanda Brazılııa realynyń osy ýaqyt ishinde qubylmalylyǵy – 1,2%, Meksıka pesosy – 0,7%, damyǵan naryqtardan: fýnt – 0,7%, eýro – 0,6%. Bul kórsetkishter erkin ózgermeli baǵyttyń tolyqqandy rejımine beıildilikti kórsetedi, bul ekonomıkanyń teńgerimsizdigin absorbatsııalaýǵa jáne eldiń altyn-valıýta aktıvterin saqtaýǵa múmkindik beredi.

Valıýtalar baǵamy syrtqy irgeli faktorlardyń ózgeristerine tikeleı sáıkes kelmeıdi, sońǵy kúnderi kórip otyrǵanymyzdaı, ishki faktorlar basymyraq yqpal etýde.

Qysqa merzimdi perspektıvada teńgeniń qubylmalylyǵy geosaıası jaǵdaıdyń ózgerýine, ishki qatysýshylardyń kútýlerine jáne álemdik naryqtardaǵy ahýalǵa baılanysty bolady»,-deıdi Ivan Serdıýk.


Uqsas jańalyqtar

Jańalyqtar

Úrdis

MURAǴAT